2011/12/28

Musika Eskolako Eguberri kontzertua

Musika Eskolako abesba­tzak eta txistulariek kontzertua eman dute gaur, pianistek eta biolinistek lagunduta.
10 kanta eskaini dituzte Milagrosan:
Eguberri zortzikoa, Eguberriko 5.alborada, Christ­mas Carols, Gaudete, Erregeak datoz, Cantemos a María, Horra Mari Domingi, Haurtxo maite, Trakatan trakatan, Oi hau gauaren, eta Gabonetako afari on bat.
Zuzendariak: Iñaki Eguren eta Garbiñe Orbegozo.

Hori bakarrik falta genuen, earra


Beko lerruak bromazkoak dira. Ez altzeate kontuatu gaur INOXENTEen euna dala eo?
Holaxe azaldu zitzaigun Patxi zuzendariya serio,serio.
 Patxi Apezetxea txistulari bandaren zuzendariak jasotako gutuna:
Kaixo danoiri.
Bai, ori bakarrik falta genuen. Atzo alkatiak billera batera deitu niñun. Kaxkoko bizilagun batzuek  idatzi bat sartu dute erregistroan hau eskatuz: Igande goizian txistulariek  jotzen deun dianarekin umiak esnatzeittugula ta mesedez beranduago jotzeko, 12tatik aurrera adibidez. Karta eakutsi dit eta 32 firma zauden.
Pentsatzeko eta datorren asterako gelditu gea.
Igandian beti bezela joko deu baiña hitzin biharko deu ta erantzen bat eman.

2011/12/23

Musika Eskolako kalejira bigarren urtez segidan arkupetan

Aurtengoan ere ezin ba kalean buelta eman, egun guztia euririk gabe eutsi dio baina arratsaldean sirimiria hasi da eta musikari ta abeslari guztiak ARKUPETAN ezin kabituz ekin diote kalean egin behar zan emanaldiari.

2011/12/18

Hernasax eta Musika Eskolako txistulariak Getarian

HERNASAX eta "Hernani" Musika Eskola Publikoko txistulariak Getariako Salbatore Deunaren elizan abenduaren 16an, Getariako Bandaren 100. urteurrenean, eskainitako emanaldiaren irudiak.

2011/12/13

Gabonak ba datozelaaaa

Aurten goiz xamar baina urteroko Gabonetako Kontzertua datorren igandean abenduak 18an izango da. Milagrosan eguerdiko ordu batean.Kontzertu amaieran agertutako guztiek zizka mizka, turroia, eta gabonetako jaki ttiki batzuk dastatzeko aukera izango dute. Joan dan urteko arrakasta ikusirik, aurtengoan ere Susana Elosegi Gitarra jolea arituko da txistulariekin batera.  
EGITARAUA
  1. Erandiotarra
  2. Baranbio
  3. Solferino
  4. Alaia
  5. Villancico Popular Vasco
  6. Eguberriko kantak
  7. Alborada Navideña Nº4
  8. Gabon Abesti Bilduma

2011/11/28

Santa Zeziliako kontzertuko printzak

Kontzertuko argazkia: HERNANIKO KRONIKAK utzita.


Josune Marin abeslari gazteak
bi doinu eskeini zituen bere gitarrarekin:
BIZKAIA MAITE (B.Lertxundi) eta

KONTRAPASA (X.Lete).

2011/11/23

Santa Zezilia Kontzertua

 
Larunbatean Sandiusterrin KANTUZ abesbatzak eta herriko txistulariek (Musika eskola, udal banda)  metal boskotearekin batera, elkarrekin eskeiniko dute Santa Zeziliaren omenez kontzertua.
  • Aurten gonbidatu berezi batek abestuko du txiatulariekin; JOSUNE MARIN kantaria hain zuzen. Joan dan urtean, Gipuzkoako XIV. Euskal Kantu Txapelketa bakarlarien sailean garaile izan zan. 
 EGITARAUA

Txistulariak eta metal boskotea (Biribilketa)           Zuzendaria:P.Apezetxea
Aietsu (Biribilketa)R.Esnaola
AmaiurJ.Iruretagoiena
Bizkaia Maite
Abeslaria: Josune Marin
B.Lertxundi
Mold.X.Zabala
Kontrapasa
Abeslaria: Josune Marin 
X.Lete
Mold.:J.Astiazaran
Kantuz AbesbatzaZuzendaria: I.Arroyo
Rorando coeliJan Campanus Vodnanski
Nahi zu yayin......................P.Sorozabal
Xauli-xauli.................Tomas Garbizu
Maitasun atsekabea.............................J.Guridi
Arrosa Lore lore............Mold.Luis Elizalde
Axuri beltza (herrikoia)....................Mold: J.Busto
GUZTIEK BATERA
Behin batean LoiolanHitz. Bilintx
Mold.: J.Astiazaran
HabaneraX.Lete
Mold.J.Astiazaran

2011/11/22

Gaur Santa Zezilia eguna; musikarien eguna

ZORIONAK musikari guztiei.

Herrian hainbat kontzertu eskeiniko dute musika eskolako ikasleek.

2011/11/17

Saxofoia eta txistua

Roberto Pacheco zuzendari lanetan.


Santa Zezilia eguna gertu egonik (Azaroaren 22an), igandean arkupetan HERNASAX (Saxofoi taldea)  eta HME (Hernani Musika Eskola)ko txistulariak elkarrekin kontzertua eskeiniko dute.
Emanaldia 12,30etan izango da.

2011/10/01

Bergarako bandarekin eta Abesbatzekin

Iluntzeko 7,30ak aldera hasi da Atsegindegin kontzertua.
Aurreneko bi abestiak Kantuz eta Ozenki abesbatzekin batera aritu dira Txistulariak:
Potxolo dago negarrez eta Bigarren kalez kale doinuak entzun ahal izan dira.
Ondoren Bergarako bandak, 179 urteko ibilbidea duenak, bost doinu jo ditu: Tolosa, Poeta y aldeano, Aro­und the worold in 80 days, Pro­cession of the sorcerers eta I knew i loved you. Ainara Ortega abeslariaren laguntza izan dute.
Bukaera aldera  Banda eta Abesbatzek bi doinu "The conquest of pa­­ra­dise eta Euskal Herria kantuz"eskeini dituzte.
Kontzertua amaitzeko Zipri Otxandorenaren zuzendaritzapean guztiak "Mendirik Mendi" jo eta kantatu dute.

2011/09/17

Euskal Jaiak aste buruan Irailak 17-18


EGITARAUA:
Irailak 17, larunbata:
10:00 Abere azoka Tilosetan.
10:30 Sendabelarren erakusketa.
11:00 Erraldoi etaburuhaundiak.
11:00 Taloak Iturriaga kalean.
11:30 Antzinako jokoak Tilosetan.
12:00 Herri kirolak Tilosetako frontoian.
12:00 Txakolin probaketa Iturriaga kalean.
12:30 Karrozaren irteera Gudarien plazatik.
12:30 Triki poteoa.
14:30 Herri bazkaria Atsegindegin.
17:30 Incansables txaranga.
18:00 Haurrentzako tailerrak udaletxeko arkupetan.
22:00 Bertso banda Milagrosan.

Irailak 18, igandea:
Diana Txistularien Bandarekin
10:00 Sagarraren eta sagardoaren eguna Gudarien plazan.
11:30 Pelota partiduak Tilosetan.
12:00 Trikitixa Txapelketa Gudarien plazan.
12:30 Kalez Kale Kantari.
19:30 Ezpeletako taldearekin erromeria Plaza Berrin.
*Udalak elkarte hauekin lankidetzan antolatu du egitaraua: Sendabelarren elkartea, Kriskitiña dantza taldea, Santa Barbara elkartea, Hernaniko talogileak, San Joan Konpartsa, Gazte Asanblada, Kaxko auzo elkartea, Musika Banda, Bertso Eskola, Txistulari Banda, Tolarea Sagardo Naturalaren kofradia, Pelota elkartea, Kantuz eta Ozenki abesbatzak.

2011/09/04

Urte Bukaera arteraino programazioa

Kaixo berriro ere bueltan gera.
Geratzen diren lau hilabete hauetan ondoko doinuak joko dira jai egunetan:

IRAILAK 4Z05-Z40AZAROAK 1Z43-Z58
IRAILAK11Z39-Z52AZAROAK 6Z59-Z64
IRAILAK 18B65-B72AZAROAK 13B51-B48
IRAILAK 25Z53-Z50AZAROAK 20Z45-Z60
..AZAROAK 27Z61-Z66
URRIAK   02
ABENDUAK  4B43-B44
URRIAK  09B63-B70ABENDUAK  8Z47-Z62
URRIAK   16Z69-Z56ABENDUAK  11Z63-Z68
URRIAK  23Z55-Z06ABENDUAK 18B35-B38
URRIAK  30B61-B34ABENDUAK  25Z31-Z30
Horretaz aparte ondorengo agenda bete beharrean dira:
IRAILAK 16 ean, San Juan eguneko kontzertuko partaide guztiak sagardotegian bilduko dira 8,30 ak inguruan.
IRAILAK 17, Hernanin Euskal Jaietan parte hartuko dute eguerditik aurrera.
URRIAK 1 ean KANTUZ abesbatzarekin batera arituko dira Atsegindegin Musika Bandaren 150 urteurrena ospatzen dalako.

2011/08/16

Goizuetako festetan

Hernani Musika Eskolako musikariek  azken urte askotan bezela "Umore Ona" dantzariekin batera bi ordu luzeko saioa eskeini dute Goizuetako enparantzan.  Omenaldi xumea jaso dute herritarrengandik




Roke Deuna ospatzen Aranon

 Bertaratutako txistulariak:

  • Modesto Lasa (Beasaindarra nahiz Hondarbin bizi).
  • Markos Zapirain (Bartzelonan bizi dan "Lekeitiarra").
  • Gabriel Huarte ( Bartzelonan bizi dan "Iruñarra")
  • Jabier Narbarte (Bartzelonan bizi dan "Aranoarra")
  • Gorka (Jordi) Freixenet (Bartzelonakoa)
  • Hernaniarrak:
    • Patxi Apezetxea (zuzendari lanetan aritu dana)
    • Boni Agirresarobe
    • Joseba San Sebastian (atabalaria)
    • Garbiñe Tijero ( txistu 2.a)
    • Eneko Senper (atabalaria)

Goizeko 10,30etan elkartu dira txistulariak elizaurrean. Kalejiran abiatu dira ermitaruntz eta haren parian jendeari txistu doinuz egin diete harrera. Meza bukaeran ohitura bezela (Txobitok hasitakoari segituz) " Marcha de las Cortes de Navarra" doinua jo dute, bueltan berriro jendea atzetik zutela kalejiran jeitsi dira pilotaleku aldera. Bertako pilota partidua (Urkizu-Garcia 22-11 Etxenike-Etxegoien elkarren aurka) girotu ondoren Ruiztarren etxeko (Montebeo) atariruntz abiatu dira hango luntxa prest zeukaten eta. Hemen ere ohiturari jarraituz, hainbat doinu eskeini ondoren, Joxan Ruizek aurreko urteko argazkiak banatu dizkie txistulari bakoitzari. Hemen bukatutakoan Gastaz-Enea etxeko atarira jeitsu dira bigarren luntxa dastatzera, metalezko kupeletik txotx egin dute sagardoa hartzeko. Belardian kontzertu txiki bat eman ondoren "Kontsejupe tabernan" eseri dira 50 inguru lagun 3 ak aldean.
Baskalostean "txistu-abesti-bazkari"an, Patxik abestiz betetako orriak banatu ditu eskaerak egiteko eta horren arabera txistu doinuz lagudurik mahakide guztiak kantan aritu dira.
Arratsaldea luzatu da ta geratzen ziran partaideen argazkia eginda gero Agur Jaunak abestuz amaitutzat eman da gaurko jarduna.

2011/08/14

Donostian 34. Kontzertu Nagusia



Txistularien artean hernaniar ugari zeuden.
  • XX. Mendeko hasieretan euskara eta euskal kultura berpizteko lan egin zuten gizon-emakumeei esker ona adierazteko, Aita Hilario Olazaran, Xabier Lizardi, Lauaxeta, Jesus Guridi eta Jon Oñatibiaren lanak eskaini dituzte besteak beste.
Aurtengo gaia EUSKAL PIZKUNDEA izan da, Jose Aristimuño "Aitzol" euskalzalearen omenez, bera afusilatu zutela 75. urte betetzen baitira aurten.
EITBn ikusi ahal izango da Kontzertua Abuztuak 20 ean iluntzean.
Ondorengo doinuak entzun ahal izan ziran:
  • 1.   MENDIGOIZALEAK .................................A.Hilario Olazaran*(1894-1973)
  • 2.   EUSKAL PIZKUNDEA BERTSOTAN.........Herri Doinua *
                 Bertsolaria: Maialen Lujanbio
  • 3.   BIKOTE DANTZA...................................Herri Doinuak *
    •    BALTZA-FANDANGOA
    •    HABANERA-ARIN-ARIN
                 Billabonako OINKARI dantza taldea
  • 4.   ANTTON VALVERDE eta LIZARDI
    •    Asaba Zaharren Baratza   hitzak:X.Lizardi(1896-1933) doinua:    A.Valverde***(1943-) kanta*
    •    Bihotzean min dut    hitzak:JM Agirre,X.Lizardi doinua: A.Valverde***
  • 5.   JON OÑATIBIA GOGOAN:HERRI DANTZA     Jon Oñatibia* (1911-1979)
  • 6.    Poxpoliñaren Haur Abestiak: Bakarlaria: Leire Erbiti (Leitzarra)
    •    Han urrun etxe poxpola  hitzak:J.Markiegi(1886-1936) doinua:    EJ Dalcroze (1865-1950)*
    •   Paristik natorren artista naiz  hitzak: Nemesio ETxaniz (1899-1982) Herri Doinua *                 
  • 7.    BERASTEGIKO SAN JUAN DANTZAK                   Herri Doinuak*
                 Berastegiko BELAUNTXINGO dantzari taldea
  • 8.   ANTTON VALVERDE eta LAUAXETA
    •    Zelayan   hitzak:E.Urkiaga,Lauaxeta (1905-1937) doinua:    A.Valverde***
    •    Amayur Gaztelu Baltza   hitzak:E.Urkiaga,Lauaxeta doinua: A.Valverde***
  • 9.    BERTSOTAKO AGURRA: EUSKAL PIZKUNDEA GUGAN BIZIRIK
             Bertsolaria: Maialen Lujanbio                                 Herri doinua**
  • 10.    JESUS GURIDI GOGOAN
    •   AMAIA operako ezpata-dantza   J.Guridi*(1886-1961)
                        Billabonako OINKARI dantzari taldea 
Moldaketak: *Jose Ignazio Ansorena-**Txomin Agirregomezkorta-***Jagoba Astiazaran-
PARTE HARTZAILEAK
  • Euskal Herriko Txistulari Elkarteko Txistulariak
  • Metal Bostekoa: Julio Garcia, Aitor Gaston (tronpetak), Izaskun Ocon (tuba), Alazne Alberdi (tronpa).
  • Donostiako Eskola eta Gurutziaga abesbatzak
  • Teklatua: Jon Irazoki
  • Baxua:Aitor ArozenaFlauta Baxua: Juantxo ega
  • Perkusioa: Agustin Laskurain eta Javier Lera
  • Kitarra:Xanet Arozena

2011/07/18

Txistularien desenbarkua Errenterian

Errenderian Uztailak 16ean erromeria eguna ospatu zan. Urteak dira Ereintza dantzari taldeak antolatzen duela.
Egun osoan herritarrak ( ta noski, hurbildu ziran guztiak) euskal soinu, dantza ta kantuan pasa zuten. Egun horretan txistulariak etzuten hutsik egin.Txistulari talde bat (tartean Boni Agirresarobe hernaniarra)  Oiartzun ibaiatik, txalupa batean iritsi zan. Sekulako eguna pasa zutela diote.




2011/07/17

Zaharren egoitzan Madalenak


Zaharren egoitzean uztailak 22an ostiralean txistulariek pasilo-jira ta gela-jira egin dute goizeko 9,30tik aurrera.
 Bertan dagoen "Malen Toledori" (94 urte egin ditu) Zorionak zuri doinua eskeini diote.

Kaxkoan Karmenak


Atzo eguerdiko 12 tan "Bixente Zaragueta" Kaxkoko Alkate berriari, aurreko urteko alkatesak, "Maitere Azurmendik" alkate makila eskeini zion. Isabel Cascok ere merezitako omenaldia jasio zuen.
Herriko txistulari gehienak zer egin ugari izan zuten Donosti aldian baina ekitaldi hontarako dantzariek eduki ahal izan zituzten txistularirik: Gazte bat ta beterana bat hurbildu baitziren.
Bertaratuak abestutako bertsoak (DOINUA: Hamarreko handia)-Beherago sakatu doinua entzuteko .
BIXENTE ZARAGUETA LAFFITTEri:
Bixente dezu izena eta
abizena Zaragueta
gaurkoan behintzat bertso hauetan
jarri ezazu arreta
gogoan degu ume ginala
erosi zendun Lambreta
ta moto hartan umeak zenbat
dibertsio eta buelta,
herriko haurrak pozik utzita
gozatzen zenuen eta
Lambretarena izan zenetik
joan da denbora dexente,
baina gizon hau berdin berdina
dagola esan daiteke
bihotza beti zabalik dauka
eta animoa tente,
aspladitikan Aquarium-eko
nagusi ta Presidente,
gonbidapenak nahi genituzke
bai al dauzkazu Bixente.
Gauza batean edo bestean
beti lanean ari da,
eta gaurdanik jarriko gera
denak berari begira,
jasoko dezun Makilla honi
eman zaiozu dizdira,
eta ohorez eman ezkero
merezi duen segida,
zure hitz denak hontaz aurrera
ordenak izango dira.
ISABEL CASCOri
Emakumea, emazte, ama
ta langile zeralako,
Isabel gure auzoarentzat
egin dezu lana franko,
urtea joanda, urtea etorri
garaia heldu dalako,
gure partetik eta bihotzez
Isabel eskerrikasko,
hain merezia zenuelako
ta maite zaitugulako
HAMARREKO HANDIA DOINUA XABIER AMURIZAK ABESTUTA:

PARTITURA IKUSI

2011/06/24

Hernaniko Txistularien kontzertua San Joan egunean

Txistulariak goizetik hasi dira lanean, Musika Bandarekin batera MENDIRIK-MENDI diana jotzen.
Eguerdian berriz kontzertuan aurten megafoniarekin entzuna ahal izan da kontzertua.

2011/06/21

San Joanetan


Festetako motorrak berotzen txistulariak bete betean entseiuetan sartuta dabiltza. Aste lanpetuta izango dute, hona txistularien jarduna...

Ekainak 23an Hernaiko Musika Bandaren eta Hernaniko Akelarreari omenaldia eskeiniko zaie 11,45 etan. Jaien hasiera edo txupinazoa 12tan, ondoren buru aundi eta erraldoiekin   Nere Herriko Jaiak ,TRIKU TRIKU bezela ezagutua,(urtean behin jotzen dan doinua) joaz egingo dute kalejira. Txistulari Bandaren atzetik musika eskola publikoko txistu, dultzaina, alboka,trikitixa, akordeoi taldea, ikasleen banda eta perkusio taldeen emanaldia kaleetan zehar.
 Arratsaldean 5 etan haurren aurreskua, parrokian Salvean joko dute iluntzeko 8 etan. Bederatzi terdietan San Joan suan herritarren aurreskuan  joko dute.

Ekainak 24 ostiralean goizeko 9tan Musika Bandarekin batera Diana eskeiniko dute Mendirik Mendi joaz. Parrokian 11 tan izango dira. 12etan  Hernaniko  txistularien kontzertua izango da. Arratsaldeko 6etan dantza askatuaren txapelketa.

Ekainak 25 ean Azeri Dantza. 12etan erraldoi eta buruaundiak. Koadrilen eguna dela ta Pagollagan bazkaldu ondoren ere txistu doinuak entzungo dira.

Ekainak 26ean Azeri Dantza. Patxadaz gosaltzeko aukera izango dute gaurkoan.

Ekainak 27an Musika eskolako txistulariek Diana eskeiniko dute, ta ondo gosalduta  Azeri dantzan parte hartzeko gero.

2011/06/17

Preludio txikia Atsegindegin

Euri iragarpena zala eta, emanaldia Atsegindegin izan da, 19:00etan.

Her­na­niko zazpi taldek hartu dute parte kontzertuan: Eli­zatxo, Langile eta Urumea ikas­tolek, Inmakulada ikastetxeak, Musika Eskolak, Kan­tuzek eta Ttarla dantza taldeak.
Txalapartariek zabaldu dut­e emanaldia, eta ondoren, Ttar­lako dantzariak eta txistulariak igo dira taula gainera. Se­gi­dan, trikitilari, soinujole eta saxojoleen txanda izan da. Eta amaieran, Mu­si­ka Eskolako eta ikastoletako abes­batzek batera aritu  dira.
                      Zazpi abesti inter­pre­tatu dituzte:
Iritsi da eguna, Ur azpian, Xalbadorren he­riotza, Muxu bat, Hernaniko martxa, Mendirik Mendi eta San Juan zortzikoa.

2011/06/15

San Joan jaietako XVIII. iragarpen kontzertua

Eguraldiak laguntzen badu (joan dan urtean bertan behera geratu zan eta sekulako ekaitzagatik),
aurten berriro San Joanak usaitzeko emanaldia izango da herriko plazan Atsegindegiko plaza estalian. Ekainak 18 larunbatean iluntzeko 22,30etan.
Aurtengo nobedadea GATIBU taldearen kolaborazioa izango da.


Umeen txanda ostiralean iluntzeko zazpiretan izango da.

2011/06/12

HME ko txistularien kontzertua



Musika Eskolako txistu tal­deak kontzertua eskainiko zun igandean ekainak 12an eguerdiko 12:30etan, Udale­txe­ko arkupetan.
Talde ho­nek ikas­turtean barrena es­kain­tzen di­tuen hiruzpalau kontzer­tuetako azkena izan­ zan. Kontzertua egunsentiko doi­nue­kin hasiko zan, festa ga­raia datorrela eta, txistu­la­riek bereziki goizeko dianak jo­tzen egiten duten lana eka­rri zuten gogora. Damua ga­raiz eta Goiz ereski albo­radak joko zituzten. Ondoren alde batetik Garbizu, Olaizola edo Guridik txistu banda­ra­ko propio egindako doinu be­reziak izan ziren entzun­gai; eta bestetik, Oskorriren kan­tak eta sanferminetako doinuak.

2011/06/11

Ekaineko kalez kale kantari

Gaur hilak 11, eguraldi bikainakin ondorengo doinuak jo eta abestu dituzte Kalez Kale Kantari atera direnak:

Plaza Berrin: Boga-boga, Ai Simon eta Ala kinkirrin
Kixkalen parian: Ai zer plazerra, Habanara joan nintzan, Andre Maddalen
Plazan: Atharratzeko Gazteluko Kanta, Azken Dantza, Greziako itsasontzia
Tripontzin: Ikusi Mendizaleak, Itsasoan Urak Handi dire, Kapitan Pilotu
Deportibon: Maritxu, Matalaz, Topa Dagigun
Plaza Berrin: Nere herriko neskatxa maite, Oi Ama Euskalerri, Prima Eijerra.
Karkaba: Urtxintxak, Zenbat Gera, Bartali.

2011/06/10

Preludioa prestatzen

San Joan jaietako XVIII. iragarpen kontzerturako entsaiu orokorrak hasi dira.
Hurrengo entsaioa Ekainak 15 asteazkena txistulariak iluntzeko zortziretan hasiko dira.

2011/05/24

Maiatzaren 27an kontzertua Udaletxean: NAGORE FERNANDEZ DE LUCO

Kontzertua arratsaldeko 19:30 ean izango da.

Nagore Fernandez de Luco gasteiztar txistulari gazteak goi mailako
txistu ikasketak amaitzear ditu Musikenen, Aitor Amilibia irakasle duela. Hori
dela eta, ikasketen amaierako proiektu gisa oso kontzertu berezia prestatu du,
beti ere maila goreneko txistulari birtuosoen errepertorioan dabilela, jada
klasikotzak jo dezakegun Isidro Ansorenaren “Jo, mutilak, gogoz” obrarekin
batean Aragües, Urrutia, Linde eta Extremianaren abangoardiako lanak
aurkeztuz. Horretarako Unai Mendikute akordeoi jolea eta Jagoba Astiazaran
txistularia izango ditu lagun Hernaniko kontzertu honetan. Txistu zailduenaz
gozatzeko aukera paregabea.

EGITARAUA

  • Jo, mutilak, gogoz                         I. Ansorena
  • Dos melodías                                 Tomás Aragüés
  • Gogoan                                        Isabel Urrutia 
  •                              Durangoko konposizio txapelketan lehen saria lortutako obra
  • Asmaketak                                     Hans Martin Linde
  • Bi gehi bi=lau?                                Hilario Extremiana


Antolatzaileak: Musikene eta Hernaniko Musika Eskolako txistulariak

2011/04/02

HERNANIKO 7.Txistulari Gazteen Txapelketa


A maila (12 urte arte)
TXAPELDUNA:
Iker Larrauri Delika (Gasteiz)
2. Sailkatua: 
Beñat Mondragon Elexpe(Donostia)
3.Sailkatua:
Martin Canto Llorente(Gasteiz)
B maila (13-16 urtekoak)
TXAPELDUNA:
Martin Erro Piquero
(Iruña)
2. Sailkatua:
Alain Sorazu Agirre 
(Azpeitia)
3.Sailkatua:
Ainara Martinez Ramirez
(Iruña)
TALDEAK
TXAPELDUNAK:
IRUÑA
2. Sailkatua: 
ANTXIETA 
(Azpeitia)
3.Sailkatua:
GOIZ ERESKI 
(Iruña)

2011/03/27

7. Txistulari jaialdia

Apirilaren 2 eta 3 an HERNANIKO VII. TXISTULARI JAIALDIA.

Apirilak 2 Larunbata
VII. Txistulari Gazteen Txapelketa; goizeko 11:30ean eta arratsaldeko 5:00 etan Milagrosa kaperan.
BAKARLARIAK:

 A  mailan (10-12 urte) 15 partaide
 B mailan  (13-16 urte)  14 partaide
TALDEAK
Maila bakarrean 8 taldek hartuko dute parte


                                                                                                    Gotzon Huegun - en txistua


Apirilak 3 Igandea
Txistularien Topaketa
      10:00 Dianak kaskoan eta inguruko auzoetan.
      12:30 Ttun-ttuna Plaza Berrin
      14:00 Bazkari herrikoia
      18:00 Kalejira eta dantza soinuak herriko kaleetan zehar.

2011/03/22

Igandean Milagrosan Udaberriko kontzertua

Igandean Martxoak 27an goizeko ordu batean kontzetua eskainiko dute txistulari bandak bi tronpeta joleen laguntzaz. Ondoko doinuak joko dituzte:
  • Auritz(Biribilketa)..................................................................Herrikoia. J.I.Ansorenak moldatua
  • ASS3KM.............................................................................Herrikoia. I.Egurenek moldatua
  • Itxaropena(Fandangoa).........................................................B.Laskurain
  • Molinatxo.............................................................................Ezezaguna. Mold. J.I.Ansorena
  • Antziñako abestiak................................................................Arm. J.Franco
  • El Cantarico.........................................................................Herrikoia.Mold. J.I.Ansorena
  • Guretzat berdin dira..............................................................Oskorriren erreperteriotik
  • Alkate soinua.......................................................................Ezezaguna. Mold. J.I.Ansorena
  • Polka...................................................................................S.Fink
Tronpeta joleak: Julio Garcia eta Asier Lizarza.

    2011/03/13

    Hernani Musika Eskolako Txistularien kontzertua

    Musika Eskolako txistulariek, eguerdiko 12:30etan jo dute, Udaleko arkupetan.

    Txistulari eta atabalarien artean, zortzik hartu dute parte, zuzendari lanetan Jon Ansorena aritu da.
    Bederatzi abesti eskaini dituzte, zortzikoak, kontrapasa, fandagoa eta arin-arinak, Mozarten sonatatxo bat eta Pantxoa eta Peioren Azken dantza abesti ezaguna.

    2011/03/05

    Iñauterietako Azeri Dantzan

    Ostiralean eman zan Jaien hasiera ofiziala Gudarien plazan. Bertan Pili Lujanbiori, Iñaki Apezetxea (Txatxoni), Joaki Lujanbiori eta Joxe Amondaraini omenaldia egin zitzaien. Jarraian eskola umeekin kalejiran Urumea ikastola eta Lagunak txarangak.
    Larunbatean goizeko 10etan atera zan Azeri-Dantza (iñauterietan GORRIZ jantzita joaten dira eta SAN JOANETAN txuriz).
    Igandean Tolosan jotzen dan DIANA(Behekaldean entzungai dago) eta IDIARENA (plazan. plazaberrin, zinkoenean, gora joaterakoan berriro plazaberrin) joaz egin dute kalebuelta.


    2011/02/05

    Santageda bezpera degu

    Txistulariak Ohitura Zaharrak taldearekin batera ibili dira herrian zehar.
    Ondoko bertsolarien laguntza izan dute: Eizmendi, Iraola, Osa eta Zelaia ibilbide osoan aritu baldin bad dira, hasieran Rezola ere lagun izan dute.
    Abiatu 6,30 tan zaharren egoitzeruntz. Hango solairuetan makilak astinduz, bertakoen algara ta txaloak jaso dituzte. Ondoren "Elur-Txori" elkartean egin dute parada ta handik plazaraino, Andre-kaletik zinkoenera jeisteko. Hainbat  geldialdia egin dituzte. Tripontzi taberna eta Oa gozotegiaren tartean aurrenekoa. Oa-koei eskertu behar diegu pastatxoak eskeini dizkigutelako. Geroxeago Deportibo tabernaren parean, hemen sagardoa ta ardoaz buti dituzte eztarriak eta Plazaberrin erdi erdian jarrita umeen eta haien gurasoen laguntza izan dute kantu garaian. Nola ez Zinkonea tabernan ere geldiunea; gertu zeuden presoen lagun eta gurasoei elkartasuna adieraziz kantatu dituzte bertsolariek bertsoak. Kale nagusian aurrena Zumitzan taberna parean eta "Txantxangorri" elkartera sartu dira. Hemen geldialdia luzexogoa izan da txorizo ogitartekoa jateko. Bukatutakoan "Santa Barbara" elkartean beste paradatxoa,  ta handik "Irizar" tabernaren pareraino gero "Onddi" tabernan eta goraxeago "Aralar" tabernan. Hemen gazta daztatzeko aukera izan dute, abesbatzako kideek Santa Agedari buruzko bertso guztiak kantatzen aritu dira, gustoa zeuden eta partaide dexentek kantatu du bakarka.... Hemendik gora "Rioja" tabernara eta gero plazatik pasata "Peña Otaño" elkarteraino 10,20 inguruan ziran. Han bukatuta "Xalaparta" elkarteraino. Hemen patata-tortilla, mingaina dastatzeko aukera izan dute guztiek. Goxo goxo egoten zan bertan, kaleko giroa hoztuta baitzegoen dagoeneko eta kosta zaize bertatik ateratzea. 12ak inguruan plazan aurten oholtza (Kaldereroentzat) prestatuta zegoenez bertara igo eta sekulako iskanbila sortuz amaitu dute aurtengoa.
    Ikusten dezutenez eztarriak ongi bustita eduki dituzte ibilaldi osoan (elkarte guztietan edan baitute).

    Ikuslegoak parte ahal izan du kantatzen orriak banatu zaiolako.

    .....Beno ba beste urte batean ere kunplitu da tradizioa.....Aaaagur oraaaaain esaaaaten dioooooot Santa hon.....batera..... urte on bat pasa dez......osasunaz ta pakeaz......

    2011/01/26

    Erregeekin kabalgata

    Txistulari talde polita bildu zan erregeen kabalgatan. Txistulariak Elkano kaletik barna

    2011/01/02

    Erregeen kabalgatarako prest

    Txistulariok arratsaldeko 5,45 etan bilduko gera asteazkenean Urbieta kaleko azkeneko etxean (Latxunbeberri eta Marieluts artean). Ondo meriendatuta etorri, ibilbide luzetxoa izaten degu eta... Gogoratu ibilaldi osoan ERREGEAK DATOZ doinua jotzen arituko gerala.

    2011/01/01

    Urte Berri On

    Aurten sekulako eguraldi onarekin eman diote ongi etorria txistulariek Urte Berriari. Ohitura dan bezela, kalian buelta eman ondoren Leokadisti (Ansorenatarren jaiotetxea izan zen lekua) etxeraino hurbildu dira. Lehioan zeuden Ansorenatar txistulari gazteak ( Jon eta Idoia euren amarekin).
    Hortaz aparte  Andrekalian, entzule bat baino gehiago irten da balkoiera.

    Txistulari Banda hau sortu ezkeroztik, Joxe Ansorena txistulariak sortutako URTE BERRI GOIZA doinuaz bete dute kaleko isiltasuna.
    PLAY (triangeluan) ikurran sakatuz entzun daiteke doinua.