Zikuñagako festak

 Maiatzean inauguratu zuten Zikuñagako ermita Orkolaga baserriaren inguruan.

Sekulako giroa Zikuñagako ermitan. Meza ondoren Ozenki abesbatzaren emanaldia entzun eta gero auzoko Danborradak Zikuñagako ereserkia jo du. Amaitzeko txistulariekin kalejiran jeitsi dira auzora bildutakoak, adinekoak autobusean noski. Auzoan zehar kalejira eman ondoren sagardo dastaketa, bitartean San Joaneko kontpartsakoek txistulariekin batera erromerian aritu dira, muxikoak, arin arin, fandango, jauziak, abesten... izardi patsetan amaitu dute denak. Jende ugari bildu da itzalera, ondoren aizkolariak eta harrijasotzaileak ikusteko aukera izan dute.

Ostiralean hasi eta hiru eguneko jaiak ospatu dituzte auzokideek.

Txistularien alarde arrakastatsua Zestuan

Musika, dantza, kantua eta batukada batu zituen atzo, igandea, arratsaldean Zestoako Txistulari Alardeak. Arrakasta izan zuen atzoko ikuskizunak; kiroldegiko frontoian izan zen, eta harmailak jendez goraino bete ziren.

Garikoitz Mendizabal musikari eta txistulari zestoarrak zuzendu zuen ikuskizuna, eta Jon Artano kazetariak egin zituen aurkezle lanak. Euskal Herriko hainbat txokotatik bertaratutako txistulariak aritu ziren. Horiez gainera, Itxaropena dantza taldeak, Zumaiako San Pedro Abesbatzak, Jagoba Astiazaran txistulariak, Aitor Furundarena akordeoi jotzaileak, Aizpea Aristi eta Eider Iraola abeslariek, Eider Mendizabal eta Peio Nuño dantzariek eta Zestoako Batukada Taldeak parte hartu zuten. Gonbidatu bereziak ere izan ziren atzokoan, hala nola Eñaut Elorrieta eta Roberto Moso. Aurrenak Ken Zazpiren bi abesti kantatu zituen, eta bigarrenak Zaramaren bi.

 Hiru urtetik behin egiten da Txistu kontzertua Zestuan.

 

 

Donostiako Aste Nagusian erraldoiekin

Sekulakoa izan da aurtengoa. Bi urte elkar ikusi gabe eta aste nagusiko arratsalde guztiak elkarrekin pasa ditugu txistua joaz pozik txoratzen.

IGANDEA 14:Erdi Aldetik
ASTELEHENA 15: Gros
ASTEARTEA 16:Antiguoraino
ASTEAZKENA 17: Antiguo. Euria bertan behera	Kontxatik BIDEOA  ikusgai.                                          Denak prest geunden eta lau erraldoi kalera aterata sekulako zaparrada jaso genuen.                                   Antiguoko txistulariekin batera aritu behar genuen
Osteguna 18:Euria Antiguon.	Txistulari batzuk elkartu ginan eta eguraldi txarrakin, aterkiaren laguntzarekin, auzoa alaitzen aritu ginan. Alai eta Plateroko tabernariek traguak oparitu zizkiguten gure jarduna eskertzeko.
Ostirala 19: Loiolako erriberatik Amarara	Gaur bai eguraldi ederraz irten da Erraldoi eta Buruhandien konpartsa. Ikasbide ikastolan hasi eta bertan amaitu degu bi ordu terdiko ibilaldia egin ondoren.
Larunbata 20: Alde Zaharretik. Agur erraldoia     2022 Agur Erraldoia Zuloaga plazan:BIDEOa ikusgai

Askatasunaren eguna Pasai Donibanen

Nafarzaleak  abuztuaren 15ean Pasai Donibanen edo Orreagako mendi lepoetan bildu ziran, gure Herriak, inperialismoaren aurka mantentzen duen borrokan, 778 eta 824 urteetan Orreagan irabazi genituen batailen ondorioz, gure Estatua eratu genuela ospatzeko.

Orreaga 778 askatasuna eguna Pasai Donibane abuztuaren 15ean.

Askatasunaren eguna ospatu zen Pasai Donibanen Orreaga 778 bataila gogoratuz, bertsolaria, hizlariak, lore eskaintza independentziaren alde bizia galdu tenei, ohorezko aurreskua eta txistulariak.

Tafallako alardea

Abuztuaren 20ean arratsaldeko ordubatean 51. Tafallako txistu alardea eskeini zan. Gipuzkoarrok aukera izan genuen jotzeko bertan. Aitor Urkizu ordezkantu zuen ...... zuzendari lanetan. bikain aritu zan.

Aranon, San Roke egunez

 Bi urte ospatu gabe, azkenean aurten Aranon san Roke eguna ospatu ahal izan zan. Meza ondoren, ermitan Aranoko udalak, bertaratutako guztiei hamaiketakoa eskeini zien. Txistulariak ohiturari eutsiz mendian gora eta behera kalejiran jardun ziran. Herrira iristean, Javier Narvarte zenari omenalditxo xumea eskeini zitzaion. Etxekoek ere gazta bikaina eskeini zuten.

45. Txistularien kontzertu Nagusia

Euskal Herriko txistulariek parte hartzen dute kontzertu honetan. Horien artean haibat hernaniarrak bertan izan ziren. Entsegu ondoren euri zaparrada bota bazuen ere, zorionez kontzertua eman ahal izan zan, 2022ko Abuztuaren 13an arratsaldeko 20:30etan.

Kontzertuaren bideoa EITB-ren atarian ikus daiteke.

Madalenak ospatzen Sandiusterrin

 

Zaharren egoitzan Madalen eguna ospatzen dute urtero uztailaren 22an. Hernaniko Goizetik txistulari taldea Sandiusterrira gerturatu zen ostiral goizean, doinu atseginekin egoiliarrak alaitzeko asmoz.Eraikinaren kanpoko aldean aritu ziren aurrena, baina xirimiri pixka bat hasi zuela eta, barrura sartzeko eskatu zieten,
eta saio luzea eskaini zuten bertan. Izan ere, ordubete inguru aritu ziren, hiru solairuetan hainbat pieza eskainiz. Doinu alaiekin girotu zuten zaharren egoitza, eta pozik hartu zituzten egoiliarrek. Dantza egiten eta irrintziak botatzen ere animatu ziren haietako batzuk.

Karmen eguna

Nahiz eta covid19 dela eta Karmen eguneko ekitaldiak bertan behera gelditu, txistulariok kalejira burutu dugu eguerdi partean.
Karkaban, uztailak 16 oro, Karmengo amaren irudia egoten da, kandelez inguraturik,  ikusgai, Urruzolatarren denda izandako, eta egun Pitxitxulo den erakuslehioan.

San Ferminetan jo eta su egunero

San Ferminetako egun guztietan Ostadar elkartearen eskutik eta Mugarik Gabeko Txistularien partaidetzarekin eguerdiko 12:00tik 14:00ak aldera txistulari talde handi bat biltzen da Iruinherriko alde zaharrean. Egunero jotzen aritzen dena Boni Agirresarobe da.

Markinan karmenetan

 Txistulariei deia egin zitzaien Markinan biltzeko; izan ere, gaur egun Markinan txistulari bakar bat baitago. Durangoko Jaizwlako txistularia, Lekeitioko Koldo San sebastian eta Hernaniko Garbiñe Tijerok egin zieten kaso deialdiari eta sekulako beroarekin hor aritu ziran kalejiran.

San Juan egunean

Eguraldiarekin zorte ona izan genuen ekainaren 24ean, izan ere, aurtengo sanjuanak euritan pasa dira eta.

San Juan eguneko jarduna bideoan. Aipatu behar da txistularien kontzertuan "Ruth Martin Apezetxearen" omenez berak hainbeste maite zuen "Corazón de Oro" doinua akordeoi eta gitarra joleen laguntzaz eskeini zela. Ruth eskusoinua eta txistua ikasten aldi berean hasi zan baina izatez txikia zela eta esku soinua handiegi geratzen zitzaion eta horregatik txistua aukeratu zuen ikasketekin jarraitzeko.

San Juan eguneko txistularien jarduna bideoan ikus daiteke,irudian sakatu horretarako.

San Joan bezperan

 Aurten bai, aurten Sanjuanak ospatzen ari dira Hernanin.

Bezperan txupinazoa,akelarrea,sanjuan sua... Bideo Laburpena

 Hori bai, gaueko San Joan sua juxtu juxtu ospatu ahal izan da amaieran euri zaparrada galanta izan d ugulako.

Iragarpen kontzertua aurten bai

 San Joanak gerturatzen ari direnaren seinale izaten da iragarpen kontzertua. Herriko musika eta dantza talde gehienek parte hartzen dute bertan.Eguraldiaren iragarpen txarragatik ( gero ez zuen euririk egin baina bazpaere) aurten ere, azkenekoa bezela (2019.) Atsegindegin ospatu behar izan zan.Iñisio eta gogo handiz hurbildu ziren bai musikariak baita ikuslegoa ere. Aurtengoa oso berezia izan da; hain zuzen ere 2021. urteako azaroan Preludioko zuzendari artisitikoa zen "Ruth Martin" joan zitzaigun eta hari omenaldi berezia eta xumea eskeini zitzaion "Maitia nun zira" eta "Ondoan " doinuak berari eskeiniz.

San Joan Zortzikoaren zati bat ikusgai hemen (Urumeako Kronikatik jasota)

EGITARAUA: MUSIKA PLAZAN AITARI BAGA BIGA ODA A LA ALEGRIA EZ GAUDE SALGAI HERNANIKO SOINUAK MAITIA NUN ZIRA ONDOAN KORRIKA MIX UNBLENBLE! MENDIRIK MENDI SAN JOAN ZORTZIKOA Esku-orria lortzeko  klik egin HEMEN

Sagastialde auzoaren 65.urteurrena

 

Sagastialde auzoko 65garren urteurrena ospatu zuten auzotarrek igandean,maiatzaren 29an. Ospakizunaren ekitaldi nagusia, Urnietako Oianume jatetxean egin zen, bazkari baten bueltan bilduz. Mezetatik aterata elkartu eta bertan argazkia atera zuten, 65garren urteurrena izozteko. Aurreskua eta txistulariak ere ez ziren falta izan eta sekulako giroarekin, egun ederra igaro zuten auzotarrek.

Udaberriko kontzertuaren printzak

 Doinuak entzuteko irudian sakatu

2022ko Udaberriko kontzertua harparekin

 

 

MARIA DE LOS LLANOS CALLEJAS

 

Murtzian jaio nintzen eta bertan hasi nituen musika ikasketak.

Behin, telebistan, harpa ikusi nuelarik, garbi izan nuen harpa jotzen ikasiko nuela.

Madrilgo Goi Mailako Errege-Musika Kontserbatoriora jo nuen, María Rosa Calvo-Manzano irakasle ospetsuarekin ikastera.

Musika talde eta egitasmo ezberdinetan parte hartu dut, eta aipatzekotan, Madrilgo DarkMoor heavy metal taldearen "Between Light and Darkness" diskan eta Rafael Alcázarren "Las locuras de Don Quijote" film dokumentalean nere partehartzeak nabarmenduko nituzke.

Baina irakasle sena dut batez ere eta Madrilgo hainbat musika eskoletan eta Valladolideko eta Donostiako kontserbatorioan jardun ondoren, Iruñeako kontserbatorioan nabil irakasle lanetan gaur egun.

Urte batzuez Hernani izan nuen bizileku eta pozik nator, berriz ere, zuenera!

 

EGITARAUA

• ALKATE SOINUA…………………………………... (ezezaguna, XIX. mendea)

   

   ST BRIDE’S CORACLE (Eigg uharteko tradizionala, Hebridak-Eskozia)

• GODDESSES………… (dantza tradizionala, Ingalaterra XVII. mendea)

   TXORIA TXORI………………………………….… (Mikel Laboa, Joxean Artze)

• AURTXOA SEASKAN ………….. (Gabriel Olaizola, Hernani 1891-1973)

   O’CAROLAN’S WELCOME…………… (Turlough O’Carolan 1670-1738)

• AGUR EUSKAL HERRIARI………………… (Grazian Adéma Goienetxe, “Zaldubi”, 1828-1907)

  DOWN BY THE BEACH……………………….………. (Irlandar tradizionala)

• IRISH LAMENTATIONS………………… (Turlough O’Carolan, 1670-1738)

• GONA GORRIA…………………………………………………………….. (Herrikoia)

AURETTI’S DUTCH SKIPPER…………… (dantza tradizionala, Ingalaterra XVIII. mendea)

• GREENSLEEVES……………………………..…… (Ingalaterra XVI. mendea) EZKONGAIETAN……………………………….... (J.M. Iparragirre 1820-1881) LORIAK UDAN……………….. (G.J.I. Bizkarrondo, ”Bilintx” 1831-1876)

PARTE-HARTZAILEAK

• Goizetik txistulari banda

• Kitarra : Susi Elosegi

• Harpa : Maria de los Llanos Callejas

  
  
   

Erdizkako iñauteriak aurten

Pandemia ondorengo Iñauteriak izan ditugu aurten.

Iñauterietan axeri dantzarik ez da izan, hala ere txistulariek kaxkoko txokoak iñauterietako doinuz  alaitu dute goiza.

 

Iriyarena doinua entzunteko irudian klik egin

Ostiral mehean Tolosan

 Tolosako Ozenkiko txistulariekin batera 53 musikari, gegienak inguruko txistulariak aritu dira  goizean zehar.

 Musika eskolatik abiatu dira txistulariak gaur goizean. Alde zaharreko kaleetan Diana jo ondoren Trianguloa plazara iritsi dira. Ondoren, inauterietako ostiral goiza girotzen jarraitu dute.

Argazki gehiago Tolosako Atarian