Olentzero eta MariDomingirekin

 Olentzerok eta Mari Domingik Atsegindegin agurtu zituzten Hernaniko haurrak.

Hernaniko HME txistulariak bi bandatan banaturik, Ttarlako dantzariekin batera hainbat dantza eskeini zieten Olentzero,Mari Domingi eta bertaratutakoei.

Bezperan Antiguora urbildu ziran Donostia inguruko txistulariak.

Santa Zezilia lagun artean Juan Mari Beltran eta taldearekin

 

arg:Biteriko emanaldia

Protagonistaren laukotea, Hernaniko txistulariak eta Errenteriako musikariak bilduko dira ostiral honetan Biterin

Hernaniko Herri Musika Elkarteak antolatuta, ostiral honetan, 19:00etan, 'Juan Mari Beltran: Lagun artean' kontzertua eskainiko da Biteri Kultur Etxeko auditorioan. Emanaldiak Santa Zezilia egunarekin bat egingo du.

Juan Mari Beltran Argiñena (Donostia, 1947), musikaria, musikologoa eta irakaslea, egungo Euskal Musika Tradizionalaren ikertzaile garrantzitsuena da. Bere lana "aitortu eta eskertzeko" Juan Marik urteetan zehar sortu, bildu edo egokitu dituen doinuekin kontzertu bat eskaintzen da. Bertan parte hartuko dute Hernaniko txistulariek, Errenteriako Herri Arte Eskolako dultzaina eta alboka taldeek eta Juan Mari Beltranen laukoteak. Beltranek berak (txistua, dultzaina, alboka, gaita, klarinetea, arrabita eta ahotsa), Errege Beldak (akordeoia), Ander Barrenetxeak (perkusioa eta ahotsa) eta Aitor Gabilondok (ahotsa) osatzen dute taldea. Hernanin eskainiko duten kontzertuan hamaika obra interpretatuko dituzte, gehienak Juan Mari Beltranenak berak, soinu herrikoien pisu handiarekin.

Urteetan egindako landa-lana eta argitaratutako diskoak eta bibliografia ezinbestekoak izan dira gaur egun dagoen ondarea izateko. Besteak beste, 'Soinu tresnak euskal herri musikan' (Egin, 1996), 'Dultzaina Gipuzkoan' (Soinuenea, 2015) eta 'Alboka: inguru folklorikotik eskolara' (Soinuenea, 2013) liburuak argitaratu ditu. Diskoen artean aipatzekoak dira 'Txanbela' (IZ, 1984), 'Arditurri: gogoaren bidezidorretatik' (2002, Elkar), 'Orhiko xoria' (2006, Elkar), 'Amasatik Arratera' (2007, Herri Musika Zaleak), 'Hots-larretan' (2014, Syntorama/Soinuenea) eta 'Kostaldeko soinuak' (2019, NO-CD Rekords). Juan Marik herri musika ere ikertu du hainbat hamarkadatan. Tresnen ikerketa, bilduma handitzea eta osatzea, erabileraren eta testuinguruaren ezagutza, grabazioak... Informazio eta material guztia Oiartzungo 'Herri Musikaren Txokoa' museoan aurki daiteke. Soinuenea fundazioak kudeatzen duen dokumentazio-zentroak 2002ko martxoaren 1ean ireki zituen ateak, nahiz eta proiektua 1994tik martxan egon. Gaur egun, liburutegiko, fonotekako, irudi-fitxategietako eta tresnetako datu-base zabala du, baita interneteko plataforma digital osoak ere. Aipagarria da Eusko Ikaskuntzak eman berri duen Manuel Lekuona saria, 60ko hamarkadatik gaur egunera arte herri musikaren inguruan egindako dibulgazio lan multidimentsionalagatik.

Hernanirekin lotura

Musikari gisa Juan Mari Beltranen lanbidearen zati handi bat pedagogian zentratua egon da. Hernanik zerikusi handia izan du bere ibilbidean atal honetan. 1985ean herriko Udalak bertako musika-tresnen aldeko apustua egin nahi izan zuen, bertako Musika Eskolan aukera horiek zabalduz. Urte horretan alboka, txistu, dultzaina eta txalaparta klaseak ematen hasi zen eta gaur egun Hernani Musika Eskola Publikoa da. Horrek udalerriarekin harreman estua izatera eraman du.

Gaur egun musika tradizionalaren inguruan egiten diren ia jarduera guztiak (kalejirak, kontzertuak, saio didaktikoak...) Beltranek bultzatu ditu hasieran. Eskolak jaso dituzten hainbat ikasle irakasle bihurtu dira, baita Hernaniko Musika Eskolan bertan ere.

Juan Marik Hernaniko jaietako hainbat ekitalditan parte hartu du eta parte hartzen jarraitzen du. Gainera, Txalaparta Festaren bultzatzaile nagusia da.

Beasaingo 42.txistu alardea

Hainbat hernaiarrek partu hartu genuen Beasaingo XLII. txistu alardean. Denetariko musika mota jo ziren.

Eguraldi txarragatik Gernika pasealekuko frontoian egin zen emanaldia, nahiz eta Herriko plazan egin nahi izan zen Udaletxea eraikuntzaren 100. urte urrena ospatzeko.

Urriak 6ko diana

 

Urnietako San Migueletan

 

Irailak 28an Urnietako txistulari eta Buruntzaldeko beste hainbatekin batera diana jotzea lortu dugu, laino beltzak uxatuta. 

Atlantikaldia:Asturiar konexioa

    Ikuskizunaren aurrestreinaldia Hernaniko Euskal Jaietan izan zen  irailaren 20an. Eguraldiak aginduta, Atsegindegin izan zen emanaldia. Segida izan zuen igandean irailak 22an Errenderian.

   Bigarren urtea da eskolak Hernaniko agenteekin elkarlanean diharduela lurraldean sareak ehuntzeko helburuarekin. Lankidetza hori dela eta, HernanikoHerri musika elkartea taldeak Hernaniko eta Atlantikaldiko ikuskizunetan parte hartu du.

argazkia:Errenteriako emanaldian

Errenterian joan den igandean, irailak 22, Atlantikaldiak bere hamaikagarren edizioari amaiera eman zion. Musikak, emozioek, kultur adierazpenek, dantzak, elkarrizketek... bete dute Oreretako herria lau egun hauetan.

Atlantikaldiaren informazioa gehiago "Herri arte Eskola"n ikusi.

Zikuñagako jaietan diana

 

Irailak 8 goiza euritsua esnatu zaigu. LatxunbeBerri auzoan oholtzan jo eta gero Zikuñaga auzoan aritu dira txistulariak. Euriagatik aterpeetan jotzen aritu dira.

Donostiako Aste Nagusian Erraldoiekin

 Aste Nagusian Hernaniko hainbat musikarik parte hartzen degu dultzaina eta/edo txistua joaz Itzurun Buruhandi eta Erraldoien konpartsan.

Donostiako 47. Txistu alardea

 Eitbko NAHIERAN atalean dago ikusgai.

San Roke eguna Aranon

 

Kaxkoan Karmen eguna

Aldaba, lore sorta eta aginte makila jasota, alkate berria du Hernaniko Kaxkoak Giro ezinhobean ospatu zuten atzo Kaxkoko bizilagunek Karmen eguna. Ekitaldi ugari egin zituzten egunean zehar, baina guztietan hunkigarriena eguerdiko omenaldia izan zen. Herritar asko elkartu ziren Kale Nagusiko 41. atarian, Nekane Azkue Orayen Kaxkoko alkate berriaren izendapena ikusteko. Maitere Goñi Alzagariren eskutik jaso zituen aldaba eta aginte makila. Nekane Azkue Orayen oso eskertuta agertu zen herritarren aurrean, eta pozarren ekin dio 'legealdiari'. Izendapenaz gain, aurtengo omenduek ere izan zuten euren tartea. Eli Pagolak egindako bertso bat jaso zuen establezimendu bakoitzak (beheko taulan irakurgai), eta agurra ere dantzatu zieten. Bazkari herrikoietik sardin jatera, etenik gabe Goizeko giro onak jarraipen luzea izan zuen arratsaldean. Omenaldiaren ondoren bazkari herrikoia egin zuten Plaza Berrin, eta ordutik aurrera hura izan zen festaren erdigunea. Toka, igela eta botera jokatzeko aukera izan zuten helduek, eta puzgarrietan nekatu ondoren txokolatadarekin indarberritu ziren gaztetxoak. Urteroko legez, sardin jatearekin borobildu zuten eguna. 

Bertsoak:

 

NEKANE AZKUE ORAYEN

DOINUA: Habanera

 

Hernanira etorriak 

Joaquin eta Mariana

etxea eraiki zuten

errotatxo bat zeukana.

Pentsu negoziorako

harek egin zuen lana

baserrietan izateko

abereei zer emana.

Familia abizena

eta bere iragana

belaunaldiz belaunaldi

iritsi da zuregana

ez baita nolanahikoa

Orayendarren afana

ta Kaxkoko historian

lekua egin izana.

ERRIOGUARDA

DOINUA: Antton eta Maria 

 

Errioguardako guardak

lotuak aspaldi

pretentsiorik gabe

sukalde lanari.

Mila esker Elena, 

Antton ta Juan Mari

irekitzeagatik

gure herriari

ate tradizional bat

berritasunari.

Omenduak: Juan Mari Izagirre Balerdi, Elena Izagirre Balerdi eta Antton Elorza Puyadena (Errioguarda jatetxea).

OINDI

DOINUA: Itsasoari begira 

Lau gazte lerden ikasten joanak

beharrak agindu ahala

San Juanak bertan eta umeak

hankapean zebiltzala

bere ohitura, bere argazki

taberna bat zerbitzala

zenbat herritar sentitu diren

bertan etxean bezala

ta esan gabe utzitakoak

Onddik ixildu ditzala. 

Omenduak: Joaki Lujanbio Olano, Joxe Amondarain Huegun eta Pili Lujanbio Olano (Oindi taberna).

UKERDI

DOINUA: Ari naizela, ari naizela 

Noeren Arka zen mertzeriak

pijama eta galtzerdi

mende laurdenez artilez josi

zituen hainbat alderdi

ingurutako bezeroekin

lana ez denez izerdi

Kaxkoan eman duzunagatik

eskerrik asko Ukerdi.

Omenduak: Mª Ángeles Marzal  Cebollino eta Antonio Recio Gil  (Mercería Ukerdi)

Iragarpen kontzertua

Eguraldi txarra iragarrita zegoela eta, aurten ere kontzertua Atsegindegin eskeini zen. Jendetza izugarria bildu zen bertara.

Santa Ageda bezperan

 Giro ederrean abiatu zen atzo Santa Agedako partaideen erronda. 

Plaza Berrin , hil berri den "Errumaniarrari", urtero gozokik, bonboiak... ekartzera hurbiltzen zen taldera eta haren falta sumatu genuen. Haren omenez , emazteak lore xorta bat jaso zuen.

Bestalde, betrsolariek eskaera handia egin zuten, ea gazte jendea hurbiltzen den ohitura honi segida emateko... primerako plana izaten da.

Bideotxoa-arkupetatik