2019/07/18

Kaxkoan Karmen eguneko jaiak

Ekitaldiaren BIDEOA ikusgai KRONIKAREN eskutik

Xarobetarrei eskeinitako bertsua:

Famili berezi honek
Ze soltura, ze umore
Bakoitzak artista handi
Bat baitu beregan gorde
Maitere buru jarrita,
Ginentzekoak mentore
Edozein proiektu nola
Ez zen joango dotore?
Bertako,zumo,helatu,
Kafe ta maxapan ore
Barra atzean zegoen
Denda bat baino gehiago
Egin zenuten Xarobe
Yolanda Castillo,EGUZKI ileapaindegia, eskeinitakoak:
25 urterekin
zinena hernaniartu
Londresen ikasitako
tendentzi berriak sartu.

Ixteko erabakia
ezin da gustura hartu
denbora airean doa
eta ez gara ohartu.

41 urtean
beti laguntzeko gertu,
kontu-kontari aritu
eta ilea edertu.

Aldiro jardun izana
nehi genizuke eskertu
eguzkia bezain goxo
ta EGUZKI bezain gertu
EGITARAUA: Uztailak 16 Asteartea.
09:00, Meza Agustinetan,Kaxkoko hildakoen omenez.
09:30, Diana 
11:00,Esku pelota eta pala partiduak  Tilosetan.
11:30, Biterin umeek eta lagun-tzaileek egindako buruhaundienkalejira, Kaxkoko kaleetan. 
12:00, Jaien hasierako txupina-zoa, alkate berriaren izendapenaeta omenaldiak, Kale Nagusiko19garren portalean, Peña okindegiaren gainean. 
Alkatea: MaitereMiner (Xarobe kafetegia). 
Omenduak: Joxan Ruiz,Arantzazu Ruizeta Joxe Leon (Xarobe); etaYolanda Castillo (Eguzki drogeriaeta ileapaindegia).
Ondoren, Trikitixa kalean, eta balkoi apaintze lehiaketa. 
14:00, Bazkaria, Plaza Berrin. 
16:00-19:00, IV. Skate KarmenTxapelketa, Pana parkeko pistan.
16:30, Karta jokoak, Andre kalean.Bikoteak, bi emakumez osatutakoak edo mistoak.
16:30, Toka, igela eta botea, KaleNagusian. 
17:00-19:00, Puzgarriak, PlazaBerrin. 
18:00, Txokolatada, Plaza Berrin. 
20:00, Sari-banaketa: kartak,jokoak eta balkoi ederrena.
20:00-22:00, Sardin-jatea, PlazaBerrin.
22:30, Jaiei bukaera.

2019/07/14

Iruñean Baionako Mariñelak danborradarekin


https://photos.google.com/photo/AF1QipPJlruJGaRPCR7w0r9eqdn1i0EnzXfqwA1QYil3
Larunbatean Uztailaren 13an beste urtebeztez, txistulariak MBaionako Mariñelak danborradarekin aritu dira goizean zehar Iruñako alde zaharrean.
https://photos.google.com/photo/AF1QipOexu5Do6upDD3rf-FW0N62_xj5IZoHIMaAjqPz
L'Encantada
https://photos.google.com/photo/AF1QipM6Jp0QoPvbF8oxZcShiwrMEZuX1cxFrKNmNo81


2019/07/07

MGT ekin Iruñean San Fermin egunean

ORTZADAR folklore taldeak antolatuta Mugarik Gabeko Txistulariak San Fermin egunean elkartu dira.
 Euskal Herriko txistulariak batu dituen ekitaldia izan da; Bizkaia,Iparralde,Gipuzkoa, Araba eta batez ere Nafarroako txistulariak hain zuzen ere.
Hamaiketakoaren  inguruan joan dira txistulariak hurbiltzen.
12:00etan irten dira ORTZADAR folklore elkartetik eta kaxkoan zehar 14:30ak arte gelditu gabe aritu dira. Ibilbidean "prozesioarekin" ere topatu dira ohiu eta txistu artean txistulariek "Ikusi Mendizaleak" jotzean inguruko jendea kanta kantari arittu da.
Txistulariek beste bi ekitaldeetan parte hartuko dute; 9an eguerdiko 13:00ean ALARDEan kontzertua eskeiniko dute eta 13an Baionako Mariñelekin Danborrada.

2019/07/01

San Joan eguneko kontzertu nagusia

Ekainak 24eanHernaniko eta inguruko txistulariek kontzertua eskeini zuten udaletxeko arkupetan.
Aurten musika eskolako albokari taldearekin batera aritu dira; horiekin eskusoinua eta pianoaren laguntzarekin. Kontzertu arrakastatsua izan zen, Ruth Martin zuzendari berriaren estrinekoa hain zuzen ere. Hala ere, Patxi Apezetxeak, aurreko zuzendariak, zuzendu zuen T.Araguesek moldatutako "San Juan" zortzikoa. Aipatu behar da Haritz Ezeizaren lana; alboka,txistua, metal boskotea eta piano ta eskusoinuarentzat moldatutako lau doinuak moldatu baititu.

EGITARAUA      (audioak entzungai daude klik eginaz izenburuan)
Luzaideko bi polka
ADUNA
Bi itxas doinu
ARIN-ARIN Audioa                              (Albokariak bideoan)
THE SEVENTEENTH OF JULY
San Joan Zortzikoa
ZITUENE

Aduna eta Zitueneko egilea Haritz Ezeiza.