Txistulariak Donostiako Danborradan

A ze nolako ezusteko zirarragarria!

Hernaniko Musika Eskolako Txistulariak, Donostiako beste hainbeste txistulariekin batera, UR-KIROLAK arraun elkarteko danborradaren musikari gisa aritu dira bart gauean.
Bitxia benetan Txaranga ordez Txistulari taldea entzutea.  Bejondeizuela!

Urte asko da URKIko danborrada ateratzen dela, 60 urtetik gora  eta beti txistulariekin atera izan da. Antton Mendizabal  "beteranoena", berez donostiarra baino Oiartzunen bizi, beste hirurak Azparnekoak dira, urtero etortzen da Iparraldetik taldetxo bat, eta beste gaiñontzeko guztiyak hernaniko txistu taldean dabiltzanak, Patri Arozena loiolatarra, Josu, Iker, Jon, Leire, Iñaki, Aritz...

Urteko aurreneko kalez kale kantari

Urte berria hasi degu eta honekin Kalez Kale Kantarik ez du krisia zer dan ezagutzen; tira bai, gazteen partaidetzari dagokion krisia sufritzen du noski.
Aurreko urteetan hasitakoarekin jarraituz, hilabete guztietako bigarren larunbateetan izaten da zita eguerdiko 12etan Plaza Berrin.

Erregeak Datoz. Aurten euripean

Kantuaren letra

Erregeak datoz presaz Belena,       guk bila dezagun, ahal dan lehena.
1.Ate txokoan oilar bi, batak bestea dirudi, etxe hontako etxekoandreak                                 Ama Birjina dirudi. Ama Birjina, Ama Birjina, zu zera zeruko erregina.	2.Atean eder epelez atal burua zilarrez, nagusi jauna, esan bezaigu hasiko geran ala ez.        Nagusi jauna, nagusi jauna, gabon emanaz gatoz zugana.

 Aurtengo Errege kabalgata Biteri kultur etxeko atzekaldetik irten da, osteguna izanik, periya egunean Urbieta kalea kotxez lepo egoten baita.
Kabalgata abian hasi orduko, xirimiria edo euri -ziriña, oaiñe ba al deu euriya, Musika Bandako kideek bi aldiz pentsatu gabe plazaruntz joan dira ta arkupe txikian zain egon kalbalgata handik pasatzerakoan "Erregeak datoz" doinua eskeintzeko.
Esan bezela, Biterin hasi, Txirrita kaletik pasa, Ispizuatik igo, Elkanora iristean ezkerraldera hartu  plaza aldera joateko. Hemen Hernaniko Musika Bandari entzun, Plaza zeharkatuta Andrekaletik jeitsi Zinkoneraino eta Kale Nagusitik igo dira plazan bukatzeko.
Txistulariak, gaiñontzeko partaide guztien antzera blai blai eginda iritsi dira, danbolinen larruak oso bustitak (beraz hondatuta, konpontzeko beharrian).  Ba dakigu zer eskatu erregei,  halako eguraldirako aterki handi bat denak estaltzeko modukoa, 4 kirten dituen aterki erraldoia, aita santua babesteko erabiltzen dan palio antzeko bat..jejeje.
Hala ere jendetza izugarria bildu zan kabalgata inguruan, ume pila ba dago Hernanin.