Igandean Udaberriko txistu kontzertua

 Eguraldiagatik, Atsegindegin izan da kontzertua.

Goizetik Txistulari Bandak joko du, bi tronpeta jolerekin eta abeslari batekin. 12:30etan izango da. Txistu kontzertu berezia izango da. Izan ere, tronpeta jole bikote bat, eta abeslari bakarlari bat ere izango dira saioan.
Plaza Berrin izango da, egu­erdiko 12:30etan hasita. Eguraldi txarra egiten badu, berriz, Atseginden.
Euskerazko zortzi pieza
Patxi Apezetxearen zuzendaritzapean  zortzi pieza eskainiko dira; guztiak ere, euskaldunak.
Jose Saenzen Gazte biderekin hasiko dira, Jose Inazio An­sorenak moldatua. Gero, Atharratzeko gazteluko kan­­ta, Neskatxarena, Errota za­har maitea, Hamaika bat, Mar­txa baten lehen notak eta Makila­rienak piezak joko di­tuzte.
Eta Benito Lertxundiren kanta batekin bukatuko dute, Ansorenak moldatua hori ere: Itsasoari begira.

Hernaniko txistulari topaketan 100 txistulari

Hernaniko XI. Txistulari Jaialdiaren barruan, Topaketa eguna egin zen atzo; Euskal Herri osoko txoko guztietatik etorritako ia 100 txistulari elkartu ziren herrian, eta giro ederra jarri zuten, bezperako txistulari gazteen txapelketako urduritasunak ahaztuta. Diana jo ondoren hamaiketakoa dastatzeko Santa Barbara elkartean bildu ziran. Boni Agirresaroberi "Mugarik gabeko Ttunttuneroak" taldeko kide garrantzitsuenetako bat izateagatik oroigarri bat eman zioten. 12:30 etan kaxkoan zehar biribilketa erritmoaz Plaza Berrin dantzarako doinuak jo zituzten, eta giro ederra jarri zuten. Baita bazkaritan ere!

XI. Txistulari Gazteen txapelketa

Argazki gehiago HEMEN
SARITUAK

A kategoria (12 urte arte) 8 bakarlari

Txapelduna:  Mikel González Balanzategi (Durango)
2. saria:  Oier Agirre Martínez (Muskiz)
3. saria:  Xabier Etxaniz Freire (Pasaia)

B kategoria (13-16 urte bitarte) 9 bakarlari

Txapelduna:  Gorka Pagonabarraga Agorria (Durango)
2. saria:  Amaia Eraso Lasa (Iruñea)
3. saria:  Janitz Sorazu Agirre (Azpeitia)

D kategoria (taldeak) 6 talde

Txapelduna:  IRUÑEA taldea (Iruñea)
2. saria:  "JUAN CRISOSTOMO ARRIAGA" Bilboko Kontserbatorioko Banda Bilbo
3. saria:  MAYA (Iruñea)

Asteburuan txistu doinuak entzungai

Hernaiko Kronikatik jasota:

• Gazteen txapelketa jokatuko da gaur Milagrosan; 18 bakarlari eta 6 talde ariko dira. Bihar, topaketa eguna izango da.
  
• Euskal Herri osoko txistu­la­rien topaleku bihurtuko da asteburuan Hernani.
  Gaur Txistulari Gazteen XI. Txapelketa jokatuko da Mila­gro­san, goiz eta arratsalde. Txoko guztietatik etorritako 28 txistulari eta atabalarik har­tuko dute parte bertan, 16 urte artekoak. Tartean, bost her­naniarrek: Manex Zabaletak, Ane Telletxeak, Enara Arrutik, Julen Berazak eta Peru Garciak.
  Bihar, berriz, 100 txistulari inguru ibiliko dira herriko kaleak alaitzen.
  Bakarlariak goizean, eta taldeak arratsaldean
  Milagrosan jokatuko da Txis­tulari Gazteen Txapelketa. Aur­ten, 14 herritako txis­tu­la­ri­ak izango dira: Abadiño, Ata­rra­bia, Azpeitia, Bilbo, Burlata, Durango, Hernani, Iruñea, Leitza, Muskiz, Oibar, Orio, Trapagran eta Pasaia.
  Goizeko 11:00etan hasita, bakarlarien txanda izango da. A kategorian, 12 urte arte­koe­ne­an, 8 txistularik hartuko du­te parte; tartean, Enara Arruti eta Manex Zabaleta her­naniarrek.
  Segidan, B kategoriakoen txan­da izango da, 13 eta 16 urte bitartekoena, hain zuzen. De­nera 10 bakarlari ariko di­ra, eta bertan izango da Ane Telletxea hernaniarra.
  Arratsaldeko 17:00etan, be­rriz, 6 talde ariko dira D ka­te­go­rian, eta bertan ere izango du orezkaritza Hernanik. Txi­li­bita taldea osatuko dute Ma­nex Zabaletak, Enara Arrutik, Ju­len Berazak eta Peru Gar­ciak (atabalarekin).
  Kalejirak eta dantzarako doinuak, biharko topaketan
  Bihar, berriz, topa­ke­ta egingo da. Goizeko 10:00etan elkar­tuko dira Euskal Herri osoko 100 txistulari eta ttunttunero inguru, eta diana joko dute. 12:30etan, berriz, Plaza Berrin dantzarako doinuak joko dituzte (eguraldi txarrarekin, arkupetan). Bazkari eder batekin borobilduko dute eguna.
  

Iñauterietako axeridantza

A ze aldia, joan dan urtean euritan eta aurten eguzkitan jo degu "Azeri dantza".

http://www.hernaniturismoa.com/eus/ezagutu/ezagutu-kultura/58-azeri-dantza tik jasota:
Dantza hau 14 edo 16 gazteen arteko jolasean datza. Guztiak soka batera lotuta daude, gidari bat aurrean dutelarik. Eskuan puxikak edo maskuriak eramaten dituzte; ondorioz dantza honek ere beste izen batez ezaguna da Maskuri Dantza. Kaletarrei ezustekoak eta "jopoiak" emateko asmotan, soka tarteka atarietan eta izkinetan gordetzen da.

Ihauterietan eta San Juan jaietan ospatzen den dantza hau, goizeko bederatzietan herriko enparantzatik irtetzen da, herri erdiko kaleak zeharkatzeko asmoz. Orain gutxi arte, herriko zenbait etxeek bi aldetara irteera zuten, eta soka alde batetik bestera igarotzen zen bizilagunak izutuz. Gaur egun berriz, etxe berrien estruktura dela eta, ibilbideak zuzenagoak dira.

Herrian hain festa maitatua da, zein bizilagunek Azeridantza beren etxeetan sartzen uzten duten. Garai batean puxikak prestatzea soka gidariaren lana, baina gaur egun lan hau banatuagoa dago.

Datu Historikoak:
Dantza honen lehenego erreferentziak Manuel de Larramendik 1754an argitaratutako "Coreografia de la Muy Leal Provincia de Guipuzkoa" liburuan aurki daitezke.
Galayen Dantza beti Azeri Dantzaren aurretik dantzatzen da. Modu lotsagarrian jazten dira. Dantza, ilera batean eskuak emanda, eta dantza buruari jarraituz egiten dute. Behin eskuak askatu dituztelarik, birak, kabriolak eta beste zenbait mugimendu egiten dituzte. Tanborilaren soinuari jarraituz, mugimendu hauek maiz egiten dituzte, jendeartean algarak sortzen direlarik. Bi dantza hauek Beterrin egiten dira. Aldagi Dantza berriz, San Juanetan Tolosan eta Hernani, Errenteria eta Urnietan.

Beranduago Wilhelm Freicher Von Humboldtek "Los Vascos, Apuntaciones sobre un viaje por el País Vasco en la primavera del año 1801" liburuan Azeri Dantza honela deskribatzen zuen:
"Así en Hernani es usual la Acheridantza, danza del zorro. Todos los danzarines se agachan, cada uno con dos cortos garrotes gruesos en la mano, en una hilera unos detrás de otros y el de detrás le sujeta siempre al de delante por el pie. Uno sólo está en pie y tiene un tizón en la boca. Con él intenta besar a los otros, y le deben desviar sin perder el equilibrio en su incomoda postura. A este juego sigue luego un entretenimiento con un novillo".

Bi dantza hauek antza gutxi dutela ikus dezakegu. Humboldtek azaldutakoa Larramendik azaldu duenaren zati bat dela esan baigenezake.
Juan Ignacio Iztuetak 1824an idatzi zuen "Gipuzkoa´ko Dantza Gogoangarriak" liburuan Azeri Dantza honela azaltzen du:
"Azeri-dantza onen izena chit oker endeglatzen edo comprenditzen dute Guipuzcoatar gueyenac: zergatic izen bera esaten dioten, araco guizon dantzaetan guziac bat-banaca zortzikoa dantzatuaz aurre-aldetic atzerontz igaro oi-diraden dantza mota ari. Azeri-dantza eguiazcoa-eguin-oida diakinde edo funzio aundiac bucatu ondoan, eta iñauterietan. Dantza mota onekin irteten da errico gazteria baserri echeetara oillasco, lucainca, solomo, arraultza eta beste zembait jan-gauza, urtearen sasoyac dacarzienen billa.
Eche-atarietan dantzatuaz batutzen amodiozko sari ugari oetatic batzuec jan ondoan, irtetzen dira plaza aguiricoa dantza berarekin, eta zembait ollaisco makilletan dituztela, toki berean ichulapicoac erekitzeco, dantza bucatutacoan.
Dantza mota au guziz da chistosoa, farragarria eta pozkitdtsua. Batean illeti irazekiarekin buruzariac ematen die su sudurzuloetan lendanaz sartutaco mullo puscaetatic. Besteac beguiac estaliric dauzcatela sartu bear dituzte buruaz, soñuaren azkenengo puntuan, ustai chiki batean, zeña egon oi-dan chinchillica soca-batetic plazaren erdian.
Guziz ziñu mota asco eguiten-dituzte azeri-dantza onetan, eta guziac ain farragarriac, non ascoc eguin oi duten pisa zarauletan.
Dantza bucatu ondoan eguiten-dute ollasco jocua, eta arratsean oec janaz, ematen diote errico pozaldiari bucaera".

Nahiz eta Humboldt eta Iztuetaren idazkien artean tarte txikia egon, bien arteko desberdintasunak handiak dira. Iztuetak, gazteek baserriz baserriz egiten dituzten ibilaldietan eta jasotzen dituzten elikagaietan garrantzia jartzen du. "Oillasko Jocua"k zezenketen tartea hartzen duela dirudi.

Iztuetak 1826 "Cuaderno de Melodias" liburuanargitaratutako Azeri Dantzaren Partitura, gaur egun Hernanin jotzen da. Gipuzkoakobeste zenbaitherritan berriz, moldaketak jotzen dira.

Azeri Dantza Azken 100 urteetan:
Azeri Dantza edo Maskuri Dantza Ihauteritan egiten zenaren berri XIX. mende bukaeran aurkituko dugu. Gerrate Zibilaren ondoren Ihauteriak denekatu egiten dira, hau dela eta dantza hau San Juanetan soilik ospatzen delarik.

Azeri Dantzan ere aldaketak izan dira. Garai batean, dantzari buruak eta lenen dantzariak bakarrik eramaten zuten maskuria. Besteek poltsikoetan irina eta aurpegia zikintzeko beste zenbait gai eramaten zituzten.

Azken urteetan, Ihauterietan dantzatzeko ohitura berreskuratu da. Dantza honek moldaketa bat jasan du, izan ere, jendeari arreta galerazteko asmotan azeriz jantzitako pertsona batek parte hartzen baitu.

Bibliografia:
• El Diario Vasco: 20/06/1997 Hernaniko Jaiei buruzko Agiria 1997 (24-25) Juan F. Manjares
• "Gipuzkoa´ko Dantza Gogoangarriak": Juan Ignacio Iztueta (1824)
• "Coreografia de la Muy Leal Provincia de Guipuzkoa". Manuel de Larramendi (1754)
• "Los Vascos, Apuntaciones sobre un viaje por el País Vasco en la primavera del año 1801": Wilhelm Freicher Von Humboldt (1801)

Santa Ageda bezperan

Atzo Santa Ageda bezpera, gaur "Sata Ageda" eguna.
Aurtengoa giro ezin hobean joan da. Kaleko epeltasunean , giro freskua baina atseginean. Aurrena txokolatea, geroxiago txoixu ogitartekoa, geroago patata tortila, beranduxio gazta, azkenerako haragi egosia eta tarta dastatzeko aukera bikaina eman zieten  "Ohitura Zaharrak" kidekoei. Guzti hori ardoa eta sagardoaz lagundurik. Hiru bertsolariak bere giro alaia  eskeini zuten Osa, Zelaia eta Iraolak hain zuzen ere. Arratsaldeko 18:30 etan Milagrosatik abiatu, zaharren egoitzara, ElurTxori elkartera, Andre kalea, Plaza berri, Txantxangorri elkartea, Zinkonea, Kale nagusiti, plazara, Peña Otaño elkartera , Xalaparta elkartera eta amaitzeko berriro plazara. Hamabiak aldera etxeratu ziren partaideak. Hori da hori sasoia eta eztarria.

Erregeen kabalgatan

Ordubete eskaseko ibilbidea egin du erregeen kabalgatak. Urtetik urtera gero eta txistulari gehiago elkartzen da "Erregeak datoz" doinua behin eta berriz errepikatuz kabalgataren ibilbide osoan.

Patxi Apezetxearen 50. Urte Berri goiza

2016  URTE BERRI ON Denoi!!!

Zorionak Patxi Apezetxea. Gaur zure 50. urteberri goiza doinua jo baituzu. URTE BERRI GOIZA Doinua. Egilea:  Joxe Ansorena

Urteko azkeneko kalejirak, Hernani Musika Eskolakoak

Abenduaren 23an Hernani Musika Eskolako musikari gaztetxo guztiak kalean musika doinu eta kantak eskeini zituzten.
Eguberri eguneko kalejira Musika Eskolako txistulari nagusiak

Dakapo abesbatza eta musika eskolako txistulariak

Hernani musika eskolako txistulariek eta Dakapo abesbatzak abenduaren 19an kontzertua eskeini zuten Milagrosan.

Urteko azkeneko kontzertua bihar Milagrosan

Gabonen atarian bihar igandea Abenduaren 20 eskeiniko da Milagrosan 13ean urteko azkeneko kontzertua.
Aurten pianojole batek lagunduko du emanaldia; hain zuzen, Joxan Rodriguez izango da.
Egitaraua:

1. Damuba Garaiz
2. Rondeau
3. atzerriko Eguberria
4. Otzoal
5. Eguberriko kantak
6. Jagdstuck / Menuett
7. Ai, hau gabaren
8. Eguberriko hiru kanta

Kontzertu amaieran zizka-mizkak dastatzeko aukera izango da.

Kaleak musikaz blai, ahots eta txistu hotsez

Urumeako Kronikatik jasota:
Beste behin, Santa Zezilia, musikarien patroia omentzeko kontzertu berezia prestatu dute Kantuzek eta txistulariek.
Baina aurten, 20 urte beteko dituzte, emanaldi hau prestatzen hasi zirenetik, eta horregatik, emanaldi berezia egiteko asmoa dute; hainbat aldaketa egin dituzte.

Goiz Eguzki ere, Kantuzekin bat
Hasteko, partehartzaile berri bat izan dute lagun, kontzer­tua prestatzeko: Kantuz abesbatzako ahotsei, Goiz Eguzki abesbatzako ahotsak gehitu zaizkie.
Txistulariak, berriz, hutsik egin gabe etorriko dira zitara; Hernanikoez gain, inguruko herrietako batzuk ere etorriko dira.
Sandiusterritik, kalera
Hogeigarren urteurren hau ospatzeko egin duten bigarren aldaketa da nabarmenena; musika kalera ateratzea erabaki dute.
Orain arte, Sandiusterriko aretoan eskaini izan dute kontzertu hau. Baina aurten, herriko kaleetan barrena ibiliko dira.
Gaur eguerdiko 12:00etan abiatuko dira, eta kantuz eta musikaz alaituko dituzte Plaza, Tiloseta, Plaza Berri, Karkaba...
Txoko horietan denetan hainbat abesti kantatzeko geldiuneak egingo dituzte, eta herritarrei dei egin diete ospakizunarekin bat egiteko, eta musikariei laguntzeko.
Festa giroa nagusituko da, beraz, kalean, bazkalordura bitartean. Ondoren, bazka­ri­a­ren bueltan jarraituko dute.

Zorionak Musikari guztiei: Gaur Santa Xexili eguna baita

Neguko eguraldiarekin ekin diote Hernaniko txistulariek iganderoko kalejirari. Gaur Santa Zezilia eta Iztilargi biribilketak jo dituzte.

Zorionak doinua entzuteko HEMEN

Kalez Kale Kantariren 10. Urteurrenean

	Goizeko ekitaldiko hainbat irudi

Hamar urteen ospakizuna gaur, Euskal Herriko kantu zale guztiekin.

HERNANIKO KRONIKAtik jasota:

Azken hamar urteetan, hilabeteko bigarren asteburuetan zita berezia izan dute Hernaniko kantu zaleek. Hamarkada bat pasa da, Kalez Kale Kantariko kideak aurreneko kale buelta egin zutela, eta hori ospatzeko egun berezia antolatu dute gaur. Euskal Herriko kantu zale guztiak izango dituzte lagun, eguerdiko 12:00etan egingo duten kale bueltan; eta bazkaria, erromeria... ere izango dira eguna borobiltzeko.
Iparragirreren kantak, Xa­bier Leterenak, Mikel Laboa edo Gontzal Mendibilenak...  egi­le ezezagunen abestiak edo Her­naniri erreferentzia egiten diotenak... Euskal kantak dira guztiak, eta  denek girotu eta go­xatu dituzte Kaxk­o bazterrak, urte luzez. Urriaren 8an hamar urte bete ziren Kalez Kale Kantarik, aurreneko kale buelta egin zutenetik. Ha­mar­kada bat bada ospakizunerako nahikoa motibo, eta aitzakia horrekin, egun osoko festa antolatu dute. Berez orain hilabete, urteurrenarekin kointziditu arazita ospatu nahi zuten, baina Patxi Apezetxeak ezin zuela eta, asteburu honetara atzeratzea erabaki zuten.
Beraz, gaur izango da egun haundia; gainera, gonbidatu bereziak izango dituzte. Ba­tetik, urteurrena aitzaki, animatzen diren herritar guztiak; eta bestetik, Euskal Herri osotik etorriko diren kantu zaleak. Euskal kantuak eta festa izango dira beraz, gaurko plana.
Abiapuntua, Plaza
Kalez Kale Kantarik hilabeteko bi­garren larunbatean egiten du kale buelta, Plaza Berritik abiatuta. Gaur ordea, 10 urteak os­patzeko, Gudarien Plaza izango du­te abiapuntu. Her­naniko Ber­tso Eskolako kideekin egingo die­te harrera,  12:00etan, Euskal He­rriko bazter guztietatik etorritako kantu zaleei. Eta ondoren, kan­tuan segiko du ospakizunak: gaurko bereziki prestatutako abestia kantatuko dute, Her­naniko koruak lagunduta. Eta handik aurrera, Kaxkoko kaleak izango dira ospakizunaren testigu. Eguerdiko 14:00ak ingurura arte, kantu kantari ibiliko di­ra, Andrekale, Karkaba, Kale Na­­­gusia, Plaza Berrin... barrena.
Bazkaria ere izango da gaur, Atsegindegin. Kantuan ibili direnak, eta animatu diren herritarrek bat egingo dute, 14:30ak inguruan. Eta egunari errematea emateko, dantzak hartuko dio erreleboa kantuari: erromeria antolatu dute, 18:30etan.
«Balorazioa positiboa da»
Hamarkada honetako esperientzia, sentsazioak, errepertorioak... xehetasun guztien in­guruan hitz egin du Kronikak, Kalez Kale Kantariko kideekin. Titular bat azpimarratu behar izanez gero, balorazio positiboa egiten dutela azaldu dute, beti ere errepasoan, izan diren alde onak eta ez hain onak kontuan izanda: «balorazio bat egiterako orduan, hasieran jarritako helburuak bete diren aztertu be­harko genuke; alde baikorrak eta ezkorrak aurrean jarri». Kalez Kale Kantari sortu zenean jarritako helburuak errepasa­tzeari ekin zioten, orduan: «bilera haietan helburu batzuk jarri genizkion geure buruari. Garai batean, herriko kaleetan, jendea kantari ikustea normala omen zen, eta hori berreskura­tzea zen, na­hietako bat. ‘Nor­m­a­lizazio’ hori lortu dugula esan daiteke. Ohitura hori berreskuratu dela uste dugu. Kalean ibiltzen den jendea ohitu egin da gu kantari ikusten».
Jendeak kalean abestea, helburuetako bat
Beste helburuetako bat, ordea, ez dute nahi bezain beste lortu: «jendea kalean kantari aritzea zen beste helburuetako bat, eta ez dugu esango erabat lortu dugunik. Hala ere, egia da jendea abestera arrimatzen dela, adin guztietako jendea gainera; eta ondoan pasatzen den jendea, kantatzen ikusten dela. Batzuetan, jendeak txalotzen gaitu. Beraz, jendeak ondo hartzen gaituela esan dezakegu».
«Ondo pasatzea eta jendea alaitzea bilatzen dugu»
Parte hartzen duten guztiek ondo pasatzea ere bilatzen dutela azaldu dute antolatzaileek, eta hori bai, lortu dutela: «guk ondo pasatzea eta jendea alai­tzea izango litzateke beste helburuetako bat. Kantari aritzea asko gustatzen zaigu, eta beraz, hori lortzea ez da hain zaila izan. Eta besteak alaitzearen inguruan, herritarrek hitz egin beharko lukete, baina lortu dugula esan genezake. Behin­tzat, egun horietan Kaxkoa alaitzen dugu, eta ez da gutxi».
Gazteak gerturatzea, erronka
Erronketako bat jende gehiago, eta batez ere gaztea, gerturatzea dela azaldu dute: «honetan hankamotz geratu garela esan daiteke, ez dugu asmatu, eta hau esan daiteke dela, alde negatibo nagusia».
Hala ere, irakurketa orokorra eginda, balorazioa positiboa dela diote antolatzaileek: «orokorrean, balorazio positiboa egin du­gu. Batetik, mantendu egin garelako; nahiz eta jende gutxi azaldu, taldea nahiko fidela da. Bes­tetik, kantutegia haun­­ditu egin dugulako. Baita ere, onerako edo txarrerako, eza­gunak egin garelako; nahiz eta oraindik izango den jendea hilero ateratzen garela enteratu ere egin ez dena...».
«Esperientzia polita eta aberasgarria da»
Hamar urteetako esperientzia nolakoa izan den galdetuta, bi hitzekin definitu dute antola­tzaileek: polita eta aberasgarria «ha­sieran arrakasta haundia izan genuen, 100 bat lagun el­kartu ginen. Uste genuena bai­no haundiagoa. Baina denborarekin gauzak hoztu egiten dira eta ‘normalizatu’ ere bai. Orain 30-40 bat elkartzen gara».
40 bat abestitik, 100 izateraino
Aurretik aipatutako hainbat helbururi tiraka, euskal kantutegia zabaltzea ere, ekimenaren helburuetako bat zela aitortu dute Kalez Kale Kantariko kideek: «hasieran 40 kantako libu­rux­karekin abiatu ginen. Han­dik bost urtetara beste 40 bat kanta erantsi genizkion. Orain dela bi urte 100 kanta izateraino irisi gara, liburuxka famatu ho­rretan. Bertan, denetarik dago: Iparragirreren kantak, Xabier Leterenak, Laboarenak, Gontzal Mendibilenak, Xenpe­la­rrenak, Tolosako inauterietakoak, egile ezezagunenak, Her­na­ni herriari erreferentzia egiten diotenak, eta beste hainbat...»
Javier Zubimendi eta Patxi Apezetxearen laguntza
Abestien aukeraketan, kalean egi­ten dituzten geldiunetan, ‘zu­zen­­dari’ figura bat izaten dute Kalez Kale Kantariko kideek, eta hamar urteko historian, biren laguntza izan dute: Javier Zubi­men­direna eta Patxi Ape­zetxe­a­rena: «hasieran Javier Zubimen­dik lagundu zigun ‘zuzendari’ la­netan; arazo pertsonalak me­dio, ordea, utzi egin behar izan zuen. Eta orain taldeko kide da, kanta­tzera etor­tzen da besteokin, libreago. ‘Zuzendari’ lan hori konpartitua izan dela esan genezake. Izan ere, Zubimendiri Patxi Ape­ze­txea txistulariak hartu zion erre­leboa. Gainera, aipatzekoa da, ahal duen guztietan, bererarekin biltzen den txistulari taldea es­kain­tzen digula laguntza gisa. Eki­men honekin hasteko la­gun­tza eskatu genionetik, orain 10 urte luze, txistua eta askotan ‘Do­nosti’ atabalaria izan ditugu la­gun; ez dira sekula isildu. Eta kan­­­ten partiturak presta­tzen eta tonalitatea ematen ere, asko la­gundu digu. Taldearen alde egin du­en lana benetan eskertzekoa da».
Momentu on asko, 10 urteetan
Hamarkada honetako ibilbidearen errepasoarekin jarraituz, mo­mentu on asko bizitu dituztela diote antolatzaileek, baina guztien ar­tean bi azpimarratu dituzte: «une­­rik onenak beste elkarteek egin dizkiguten erreko­nozimen­du­ak izan dira. Por­tuko jaietan esat­erako, Jai Ba­tzordeak beraien jaietan parte hartzeko gonbitea egin zigun, eta azken hiru edizioetan izan gara bertan. Kantuz Abes­batzak ere, Euskal Jaiak be­rai­ekin konpartitzeko gonbitea egin zigun, eta gustura asko aritu gara».
Laguntzeko prest
Gainerako herrietarako eredu izan daitezkeen galdetuta, eze­tz diote antolatzaileek; nahiz eta eskatuz gero, laguntzeko prest azaldu: «ez dugu uste inorentzat eredu izango garenik. Hala ere, inguruko herrietan antzeko ekimenen bat sortzeko asmorik ba­dute, gu laguntzeko prest gaude. Orain dela urte batzuk Astiga­rragan euskal kantu zaleen topaketa batean hartu genuen parte»
10 urte gehiago?
Etorkizunera begira, beste hamar urte, eta gehiago, egiteko prest daudela diote, gorputzak bale esaten duen arte: «Beste 10 urte? noski baietz, eta gehiago ere bai, gorputzak aguantatzen duen arte. Kantatzeko grina eta ilusioa ez zaigu oraindik bukatu. Oso gustura ateratzen gara kantatzera. Norbaitek publiko aurrean lotsa sentitzen badu, kantari hasi eta berehala eroso sentitzen da, lotsa hori galdu egiten du. Beraz, herritarrak animatu nahi ditugu parte hartzera. Ondo pasako dute, hori seguru».

Urnietan, San Mielak ospatzen

Hernani eta Andoaingo txistulariak Urnietan izan dira bertako festetan parte hartzen.