Nahiz eta covid19 dela eta Karmen eguneko ekitaldiak bertan behera gelditu, txistulariok kalejira burutu dugu eguerdi partean.
Karkaban, uztailak 16 oro, Karmengo amaren irudia egoten da, kandelez inguraturik, ikusgai, Urruzolatarren denda izandako, eta egun Pitxitxulo den erakuslehioan.
San Ferminetako egun guztietan Ostadar elkartearen eskutik eta Mugarik Gabeko Txistularien partaidetzarekin eguerdiko 12:00tik 14:00ak aldera txistulari talde handi bat biltzen da Iruinherriko alde zaharrean. Egunero jotzen aritzen dena Boni Agirresarobe da.
Txistulariei deia egin zitzaien Markinan biltzeko; izan ere, gaur egun Markinan txistulari bakar bat baitago. Durangoko Jaizwlako txistularia, Lekeitioko Koldo San sebastian eta Hernaniko Garbiñe Tijerok egin zieten kaso deialdiari eta sekulako beroarekin hor aritu ziran kalejiran.
Eguraldiarekin zorte ona izan genuen ekainaren 24ean, izan ere, aurtengo sanjuanak euritan pasa dira eta.
San Juan eguneko jarduna bideoan. Aipatu behar da txistularien kontzertuan "Ruth Martin Apezetxearen" omenez berak hainbeste maite zuen "Corazón de Oro" doinua akordeoi eta gitarra joleen laguntzaz eskeini zela. Ruth eskusoinua eta txistua ikasten aldi berean hasi zan baina izatez txikia zela eta esku soinua handiegi geratzen zitzaion eta horregatik txistua aukeratu zuen ikasketekin jarraitzeko.
San Juan eguneko txistularien jarduna bideoan ikus daiteke,irudian sakatu horretarako.
Aurten bai, aurten Sanjuanak ospatzen ari dira Hernanin.
Bezperan txupinazoa,akelarrea,sanjuan sua... Bideo Laburpena
San Joanak gerturatzen ari direnaren seinale izaten da iragarpen kontzertua. Herriko musika eta dantza talde gehienek parte hartzen dute bertan.Eguraldiaren iragarpen txarragatik ( gero ez zuen euririk egin baina bazpaere) aurten ere, azkenekoa bezela (2019.) Atsegindegin ospatu behar izan zan.Iñisio eta gogo handiz hurbildu ziren bai musikariak baita ikuslegoa ere. Aurtengoa oso berezia izan da; hain zuzen ere 2021. urteako azaroan Preludioko zuzendari artisitikoa zen "Ruth Martin" joan zitzaigun eta hari omenaldi berezia eta xumea eskeini zitzaion "Maitia nun zira" eta "Ondoan " doinuak berari eskeiniz.
San Joan Zortzikoaren zati bat ikusgai hemen (Urumeako Kronikatik jasota)
|
EGITARAUA: MUSIKA PLAZAN Esku-orria lortzeko klik egin HEMEN |  |
Sagastialde auzoko 65garren urteurrena ospatu zuten auzotarrek igandean,maiatzaren 29an.
Ospakizunaren ekitaldi nagusia, Urnietako Oianume jatetxean egin zen,
bazkari baten bueltan bilduz. Mezetatik aterata elkartu eta bertan
argazkia atera zuten, 65garren urteurrena izozteko. Aurreskua eta
txistulariak ere ez ziren falta izan eta sekulako giroarekin, egun
ederra igaro zuten auzotarrek.
MARIA DE LOS LLANOS CALLEJAS
Murtzian jaio nintzen eta bertan hasi nituen musika ikasketak.
Behin, telebistan, harpa ikusi nuelarik, garbi izan nuen harpa jotzen ikasiko nuela.
Madrilgo Goi Mailako Errege-Musika Kontserbatoriora jo nuen, María Rosa Calvo-Manzano irakasle ospetsuarekin ikastera.
Musika talde eta egitasmo ezberdinetan parte hartu dut, eta aipatzekotan, Madrilgo DarkMoor heavy metal taldearen "Between Light and Darkness" diskan eta Rafael Alcázarren "Las locuras de Don Quijote" film dokumentalean nere partehartzeak nabarmenduko nituzke.
Baina irakasle sena dut batez ere eta Madrilgo hainbat musika eskoletan eta Valladolideko eta Donostiako kontserbatorioan jardun ondoren, Iruñeako kontserbatorioan nabil irakasle lanetan gaur egun.
Urte batzuez Hernani izan nuen bizileku eta pozik nator, berriz ere, zuenera!
EGITARAUA
ALKATE SOINUA…………………………………... (ezezaguna, XIX. mendea)
ST BRIDE’S CORACLE (Eigg uharteko tradizionala, Hebridak-Eskozia)
GODDESSES………… (dantza tradizionala, Ingalaterra XVII. mendea)
TXORIA TXORI………………………………….… (Mikel Laboa, Joxean Artze)
AURTXOA SEASKAN ………….. (Gabriel Olaizola, Hernani 1891-1973)
O’CAROLAN’S WELCOME…………… (Turlough O’Carolan 1670-1738)
AGUR EUSKAL HERRIARI………………… (Grazian Adéma Goienetxe, “Zaldubi”, 1828-1907)
DOWN BY THE BEACH……………………….………. (Irlandar tradizionala)
IRISH LAMENTATIONS………………… (Turlough O’Carolan, 1670-1738)
GONA GORRIA…………………………………………………………….. (Herrikoia)
AURETTI’S DUTCH SKIPPER…………… (dantza tradizionala, Ingalaterra XVIII. mendea)
GREENSLEEVES……………………………..…… (Ingalaterra XVI. mendea) EZKONGAIETAN……………………………….... (J.M. Iparragirre 1820-1881) LORIAK UDAN……………….. (G.J.I. Bizkarrondo, ”Bilintx” 1831-1876)
PARTE-HARTZAILEAK
Goizetik txistulari banda
Kitarra : Susi Elosegi
Harpa : Maria de los Llanos Callejas
Pandemia ondorengo Iñauteriak izan ditugu aurten.
Iñauterietan axeri dantzarik ez da izan, hala ere txistulariek kaxkoko txokoak iñauterietako doinuz alaitu dute goiza.
Iriyarena doinua entzunteko irudian klik egin
Tolosako Ozenkiko txistulariekin batera 53 musikari, gegienak inguruko txistulariak aritu dira goizean zehar.
Argazki gehiago Tolosako Atarian
Atzo Santa Ageda bezpera izan zen eta 60 urte bete ziren "Hernaniko Ohitura Zaharrak" taldeak egun horretan antolatzen duen erronda egiten hasi zenetik. Atzokoa lehenbizikoa izan zen pandemia hasi zenetik. Azkeneko bi urteetako tartean, taldeko zenbait parte-hartzailek utzi gaituzte (Mitxirrika, Iñaxio Mari, Joseba eta Pedrin), eta taldeak omenaldi txiki bat egin nahi izan zien Txantxangorri elkartean, haien senideei lore-sorta bana emanez. Horrez gain, oparitxo bat eman zieten gure taldeko Patxi Apezetxeari eta Donostiri, txistu-lanetatik jubilatu direla-eta.
Santa Ageda bezperako elkarretaratze ederraz gozatu genuen atzoko egunean.
Nahiz
eta euria bidelagun izan ia denbora guztian, bihotzak bero eta
eztarriak sendo azaldu ziren ekitaldi luze bezain gozagarri batean.
Goizetik
txistulari bandako partaideok gustora aritu ginen beste behin ere gure
herriko kaleetan barrena Hernaniko Ohitura Zaharrak taldearen deialdiari
erantzunez.
Ezohiko ibilbidea egin genuen, eta luze jo zuen gauak. Peña Otañon aspaldiko abesti zaharrak kantatzen aritu ginen, eta azkenean, 12ak aldera iritsi ginen Txalapartara, eta kriston giroaz, bertso ederrez eta afaritxo goxo batez gozatu ondoren, 1:15ean iritsi ginen plazara, bezperan hasitako ekitaldi amaiezina bukatzeko.
Diario Vascoko Hernaniko Kronikan Patxi eta Josebari eginiko elkarrizketa irakurgai hemen: 2020-01-09
Artikuluaren dokumentua pdf-n hemen eskuragarri
Kabalgatarik egon ez arren Hernaniko musikariak kaxkoko kaleetan "Erregeak datoz" musikaz bete zituzten bi kaleak arratsaldea pixka bat girotuz.Irudian sakatuta bideoa ikus daiteke.
 |  |
Hasi bezalaxe amaitu dute gaur Patxi Apezetxeak eta Joseba San Sebastian “Donostik” beren ibilbidea txistulari-bandan. Izan ere, Urteberri egunean hasi ziren biak, duela 56 urte Patxi eta duela 51 urte Donosti, eta egun horretan egiten den legez, Joxe Ansorenaren “Urte Berri Goiza” izan da kalejirako doinua. Herritar batzuk izan ditugu lagun azken kalebuelta horretan, eta gero, Milagrosan, omenaldi txiki bat egin diegu biei. Patxik bertso batzuk kantatu dizkio Josebari, eta Josebak, Patxiri eskerrak eman ondoren, Patxi eta Txobito aipatu ditu, eta haiengandik ikasitakoa azaldu du. Patxik, amaitzeko, urte hauen guztietan izan dugun lagun-giroa nabarmendu du, emozioari nekez eutsita."
(“Iparragirre abila
dela”, doinua) Patxi Apezetxeak Donostiri eginikoak:
Majiña dantza, biribilketa
fandango eta zortziko
zure danborrak poztutzen ditu
hume, gazte ta adinako
batzuetan kalez gora
bestetan goazen behera
prest hortxe zaude jotzeko
-irribarretsu ta alaia beti
eta umore oneko (bis)
Aitona Txomin txistularia
izanda zure eredu
harrek bidea ireki eta
zuk zuzen zuzen jarraitu
berrogei ta hamar urte
zenbat ebi ta elurte
baina zu etzera gelditu
-orain Joxeba jubilatu ta
Koro ta biok disfrutatu (bis).
