Santa Ageda bezpera degu

Santa Agedan ateratakoek etzioten muzin egin euriari. Ibilbide osoan xiri mirirekin kaleak animatuz ibili ziran.
Santa Barbara elkartean,"A.Erdozia" orain dala gutxi desagertutako partaideari, bertsolariek (Iñaki Zelaia eta Jon Iraola) hitz ederrak eskeini zieten bertakoei hura gogoratzeko.

	Gaur Santa Ageda bezpera izanik, txistulariak "Hernaniko Ohitura Zaharrak Abesbatza" taldearekin irtengo dira arratsaldeko 6,30ak inguruan. Kaxkoan ibiltzeaz gain herriko "soziedade" edo elkarteetara bixita egingo dute. Hori horrela, "Xalaparta" eta "Santa Barbara" elkarteetko kideek beraien himnoa entzuteko aukera izango dute. Blog honeten "DOINUAK" atalean daude entzungai,irakurgai edo jeisteko zain doinu horiek. Argazki gehiago IKUSI.
.I.	V
BEDEINKATUA IZAN DADILA ETXE HONTAKO JENDEA POBRE TA UMIL DABILENENTZAT BADUTE BORONDATEA SANTA MARTIRI MAITEA DAGO ERRUKIZ BETEA BERAK ALKANTZATUKO DIGULA OSASUNA TA PAKEA	BORREROGOGORHOIEK DIOTE HILKO DA GAURKO GAUEAN LEHEN BEZIN FIRME BILATU ZUTEN SANTA HAU BIHARAMUNEAN ESAN ZIOTEN ONEAN NAHI DEZU GURE LEGEA? BESTELA PRESENTATUKO ZERAÇKINZIANOREN AURREAN.
II	VI
LIBERTATEA ESKATZEN DIOT ETXEKO PRINTZIPALARI SANTA AGEDAREN ALABANTZAK ABESTUTZERA NOA NI. ESKERRAK DIOZKAT IPINI SANTA BEDEINKATU HONI, HONEN FEDEAN BIZI GAITEZEN OSASUNEZ ETA ONGI.	BERRIZ ENPERADOREAK DIO ERAMATEKO HARGANA DONTZELLA GAZTEAREN BIHOTZA LEHEN BEZIN FIRME DARAMA JAUN ZERUKOAK EMANA ORAIN BERAKIN DUANA ZER AMODIO HANDIA ZUEN GURE JAUNGOIKOAGANA
III	VII
NORK ESANGO DU ZER GERTATUAN MUNDUAN SANTA AGEDAK LEHENDABIZIKO AZOTATUTA KENDU ZIZKATEN BULARRAK GORROTUAREN INDARRAK JENTILEN BIHOTZ GOGORRAK UNE BATEAN ESTALI ZION GORPUTZ GUZTIAN ODOLAK	ZORION ETXE HONTAKO DENOI OLES EGITERA GATOZ ATERIK ATE OHITURA ZAHARRA AURTEN BERRITZEKO ASMOZ EZ GAUDE OSO ABERATS DIRUZ EZTA ERE OINETAKOZ BAINA EZTARRIZ SANO GABILTZA TA ABES NAHOI DEGU GOGOZ
IV	VIII
SANTA HAU PRESO SARTU ZANIAN ZAN MILAGRO BAT HANDIA ZERUETATIK JETSI ZITZAION JAUNGOIKOAREN ARGIA MILAGRO IKARAGARRIA SANTA HONEN ALEGRIA, SAN PEDRO BERAK SENDATU ZION SANTARI GORPUTZ GUZTIA	SANTA AGEDA BEZPERA DEGU EUSKAL HERRIKO EGUNA ETXE GUZTIAK KANTUZ POZTEKO AUKERATUA DEGUNA SANTA HAU GAUR HARTU DEGU GURE BIDEKO LAGUNA HAREN LAGUNTZAZ BETE GENTZAKE EGUN HONTAKO JARDUNA

Txistulariek ere Wukroren alde egin dute

 Gaur bukatuko du Xabier Salillasek Wukroren aldeko ultrafondoa. Zazpi egunetan korrika egin ostean, gaur beteko ditu 700 km. Egunero 100 km egin ditu. Euripean, kazkabarrarekin, aizetea, eguraldi txarrenarekin ere aritu da.
Hori horrela, goizean "Goizetik" Txistulari Banda aritu da pìstetan txistuarekin animatzen.
Adin ezberdinetako eta arlo ezberdinetako herritarrek hartu dute parte Xabier Salillasekin, Wukroren aldeko ultrafondoan. Astean zehar jende ospetsu ugari aritu da. Hala nola, haur, gazte eta helduak, Porrotx, Marimototx, Oskar Terol, Real Soziedadean jokatzen duten hernaniar gazteak, emakume korrikalariak, errugbilariak, ikastetxeetako ikasleak, pala taldea, Billabonako ikasleak, Cabestany txirrindulari ohia, Lopez Rekarte errealeko jokalari izandakoa, auzo elkarteetako kideak, Koxka elkarteak, errugbilariak, futbolariak, pelotariak, igerilariak, udaltzainak, Udal Gobernu Taldeak, tabernariek, Etiopia Utopiako kideak...




Amaierako saioan musika bandak hartuko du parte.

Urte Berriko aurreneko Kalez Kale kantari

Gaur Ilbeltzak 12 aurtengo Kalez-kale kantariko estreiñeko saioa izan degu. Hasieran jende gutxi bildu bada ere, amaieran beti bezela gehiago hurbildu dira kantatzera. Txistulariok bazpaere plastikozko danboliñekin irten gera, Patxi izan ezik, plastikozko bonbeterik ez baitaukagu eta egia esan, asmatu degu. Andre kaleko erdi parian hasi baita euri xehea.

Kronikatik jasota:
Eguraldi txarrari, ahots ona!

Kalez Kale Kantari, herria girotzen ibili ziren atzo 20 bat lagun, Kaxkoan barrena. Euria hasi zuen, baina eguraldi txarrari aurpegi ona jartzen badakitenak badira, eta atzokoan, irribarrerik zabalenarekin, eta ahots gozo eta lodiarekin eran­tzun zioten euriari. Plaza Berrin hasi zuten buelta, gero, Kaxkoko kaleetan gora eta behera ibiltzeko. Urteko lehenengo zita izan zen atzokoa, eta hemendik aurrera ere gogotsu jarraituko dutela erakutsi zuten.

Erregeen Kabalgatan

Atzo arratsaldeko 6etan hasi eta ia 7ak arte txistulariek "Erregeak Datoz" joaz ibili ziren kabalgataren aurrean; Marielutsetik atera, Urbieta kale osoa zeharkatu, Ispizuatik gora, Andre kaletik behera eta Nagusia igo ondoren herriko plazan amaitu zuten.
35 bat txistulari gerturatu ziren, horien artean musika eskolako txikienak aurreneko aldiz jo zuten kabalgatan.

Urte Euri On

Hasteko URTE BERRI ON denori.

Urte Berri Goiza honek euria ekarri digu aurtengoan. Aspalditik ez genuen horrelakorik izan.
Horregatik gaur Arkupetan "Urte Berri Goiza" doinua jotzeaz gain beste bi jo dituzte txistulariek: "ArTzai Kantak" eta "Ai Simon".

DOINUA ENTZUTEKO sartu hemen: Urte Berri Goiza

Musika Eskolako txistularien emanaldia

Arkupetan, Abenduak 30ean eguerdiko 12:30etan.

Hernaniko Kronikatik jasota:
Musika Eskolako ikasleak igandero ateratzen dira he­rriko kale­etan barrena jotzera. Gaur­­koan, urteko azken igan­de ho­netan, txistulari taldea­ren txanda izango da. 14 txistu­larik osatu­tako taldeak, Iñaki Egurenen zuzendaritza­pean, 10 pieza joko ditu; txistu errepertorio klasikoko doi­nuak batzuk, eta Gabon kan­tak beste batzuk. Ho­rietako batean, Xirularrua (gaitaren familiako tresna) entzuteko aukera ere izango da. Kontzertua eguerdiko 12:30e­­­tan hasiko da, udaletxe­ko arkupeetan.
Klasikoak eta Gabonetakoak Kontzertuaren lehenengo za­tia txistu errepertorio klasiko­ko piezek osatuko dute. Bigarren zatian berriz, Gabon doinuak entzuteko au­kera izango da. Horietako ba­tzuk bertakoak izango dira, ezagunak. Baina Italiako doi­nu sorta bat ere joko dute, xirularruak lagunduta.

EGITARAUA
-Arizkungo ttun-ttuna.
-Monzonen minuetoa.
-Vivace. -Bakarlariak: Idoia Ansorena eta Ander Arandia.
-Mand1azainak.
-Fandangoa eta arin-arina.
-Eguberri ezti.
-Gabon eguna.
-Belengo portalian.
-Tre Canzoni di Natale. -Xirolarrua: Aitor Aiestaran
-Hator, hator.

Eguberri eguneko alborada

Hernaniko Musika Eskolako txistulariak aurrena sagardotegien inguruan eta bukaeran kaxkoan aritu dira Gabonetako doinuez kaleak betetzen.

Gabonetako Kontzertua igandean

Txistularien kontzertua igandian eguerdiko ordu batean izango da.


EGITARAUA:

Minueto Sei doinu Xuberotar Baltsa bariazioekin Txistulari Din,dan,don Alborada Navideña II Gau erdian Ai, hau gabaren Eskusoinua jotzen ANE ERREGE BELDA izango dute.

Amaieran bertaratutakoak gonbidatuta daude turroia jatera eta beste xixka-mizka batzuk.

Gaur Santa Zezilia eguna

Musikarien eguna da gaur Azaroak 22 "Santa Xexilia" , musikarien zaindariaren eguna baita. Larunbatean hasi ziran txistulariak ospatzen Sandiusterrin Kantuz abesbatzarekin batera emaniko kontzertuarekin. Igandean berriz, Donostian ere ospatzeko aukera izan zuten. Izan ere, bertan hiru hernaniar  inguruko beste horrenbeste txistulariekin, eta Donostiako "Santa Zezilia"  abesbatzarekin batera, udaletxeko areto nagusian eskeinitako emanaldian aritu ziran eta.

Eta gaur nola ez,musika emanaldiak izango dira arratsaldean; bi hain zuzen ere. Musika Esko­lako ikasleen emanaldia izango da 18:30­etan Sandiusterrin. 17 abesti eskainiko dituzte musika instrumentu ezberdinek lagunduta. Kontzertua­ren atsedenaldian, 2011-2012 ikasturtean maila gainditu zuten ikasleei diplomak banatuko dizkiete.

Goiz Eguzkik, 12 abesti
Goiz Eguzki abesbatzak ere emanaldi ederra prestatu du jubilatu etxean bertan, 19:30e­tan. 12 abesti interpretatuko dituzte.

ZORIONAK BERAZ MUSIKARI GUZTIOI

Santa Zeziliako kontzertua

Atzo arratsaldeko zazpietan Kantuz abesbatzak txistulariekin eta metal boskotearekin batera eskeini zuten beren kontzertua Sandiusterri zaharetxeko aretoan.
Aurreneko zatian txistulariak. (zuzendaria: Patxi Apezetxea)

1. GAINZA (Biribilketa).......................................................M.Gainza (Mold. K.de Miguel)
2. Comparsa de Caballeria de Gallos......................................R.Sarriegi (Mold. J.I. Ansorena)
3. Religiosa........................................................................J.Guridi (Mold. L.M.Andrés)
4. Don Martin (pasodoblea).................................................S.Bikandi

Bigarrenean Kantuz abesbatza (zuzendaria: Igor Arroyo)

1. Nafarrorari..............................................Juan Olaziola
2. Penas......................................................Beatriz Corona (testua:José Marti)
3. Lo hadi ainguria.......................................Francisco Escudero
4. Bourre....................................................Leopald Mozart
5. Ikusten...................................................Mold. Alexander Lesbordes
6. Iru txito..................................................Aita Donostia

Azkenean guztiak batera:

1. Irria...............................................P.Carrere (Mold. T.Agirregomezkorta)
2. Biribilketen potpourria.....................Herrikoia (Mold. X.Zabala)

Buruntzaldeko txistulariak KM-2012 an

Aurtengo kilometroak Andoainen ospatu dira Larramendi ikastolaren alde. Hori dela eta, Buruntzaldeko txistulariak (Andoain,Urnieta,Hernani,Lasarte) elkarrekin kalejiran aritu dira.

Comenius proiektuko kideei ongi etorria

Ingalaterra, Danimar­ka, Belgika, Estonia eta Hun­ga­riako ikasle eta irakasleak atzo iritsi ziren Hernanira. Denera, 38.
Comenius proiektua dela eta etorri dira Her­nanira, Hernani Institu­tua tartean dela, ikasle-irakasleen ar­te­ko topaketa izaten ari baita.
Esan bezala larunbatean iritsi ziran eta institutoan harrera egin zitzaien Agurra, Akelarreko dantza zatitxoa...eskainiz. Asteazkenera arte egongo dira Hernanin eta ekintza ezberdinak egingo dituzte. Gaur, esaterako, Kilo­me­t­roak jaira joango dira An­doainera. Hernanin zehar bisita gidatua ere antolatu du Udalak. Datozen egunetan izango dituzte: surf saioa, yo­ga, Basque Culinary Cen­terrera eta Guggen­heime­ra bisitak, hitzaldiak... Astear­tean Udalak harrera egingo die.

Juan Mariri eskerrak

Gaur eguerdian, Juan Mari Beltranen ikasle izandakoak (txalaparta, txistua, dultzaina, alboka) merezitako omenaldia eskaini diote. Nola ez ba, Juan Marik irakatsitako eta  ikasitako soinu tresnarekin kalez kale jotzen arituta. 27 urte eta gero, jubilatzea tokatu zaio baina ez "erretiratzea" oraindik soka luzea  baitauka Juan Marik.
Eguerdian denak Santa Barbara elkartean bildu  dira bazkaltzera. Festa, arratsaldean segiko du kaletik.

Zorionak Juan Mari eta eskerrikasko.

Juan Mari Beltranen kide, ikasle eta ikasle ohiak

2012 Donostiako alardea ikusgai

Eguraldi txarragatik aste nagusian egiten den kontzertua irailean eman zen.
Telebistaz ikusgai daukazu: 35.DONOSTIAKO ALARDEA
Kontzertuaren egitaraua aurreko orrialde batean dago.

Aste buruan EUSKAL JAIAK

Irailaren 15 eta 16ean hainbat ekitaldi iragarrita dago Euskal Jaietan.


Ondo pasa.

HERNANIKO KRONIKAtik jasota:

Euskal azienda, garai bateko jokoak, talo eta txakolina, erromeria, kantua... euskal ohitura eta tradizioetan murgiltzeko aukera izango da asteburuan Hernanin, Euskal Jaietan. Herritarrei deialdi berezia egin diete, baserritar trajeak janzteko.
Bertako baserri eta mendietako azienda
Euskal Jaietako aurreneko ekitaldia izango da abeltzain azo­ka; 10:00etatik aurrera, Ti­lose­tan. Gure arbasoengandik da­to­zen eta oraindik bizirik mantentzen diren abereak izango di­ra ikusgai: betizuak, pottokak, sasiardiak, euskal oiloak, astoak, idiak, txe­rriak, ahun­tzak.... Bertako ba­serri, mendi eta zelaietan hazten dira, Ere­ñotzun, Onndi eta Adarran, Osi­­ña­gan...; eta ho­­rrek balio be­rezia ematen. Xabier Iradi al­bai­taria da antolatzaileetako bat, eta joan den urteko arrakastaren ondoren, aurten ere her­naniarrak gonbidatu nahi di­tu ikustera; eta batez ere, etxe­ko txikienak, azienda hori­en ku­meak ere izango baitira ikusgai. Aintzinako jokoak Aintzinako jokoen probak ere jendetza erakartzea espero da gaurkoan. Lokotxak biltzen, marmitak eramaten, zaku karreran, kontrabandista lanetan, zirrindola laisterrean, sagar biltzen, sokatiran... denetarik egin beharko du­te. Haurrak ariko dira le­hendabizi, eta Gazte Asan­bladako gazteak ondoren. Joko gehienak, garai bateko zereginekin daude lotuta.
Kantua eta mariskada Eguerdi partean, kale buelta egingo dute Kantuzeko kideek. 13:00etan abituko dira Plazatik, eta dei egin diete herritarrei parte hartzeko. Bestalde, errugbi elkarteak mariskada bat zozketatuko du, denboraldiko gastuei au­rre egiteko. Txartelak salgai Kix­kal parean izango dira; eta zozketa arratsaldean izango da, dantzaldiaren atsedenaldian.
Trikitixa txapelketa, bihar
Sei herritako ordezkaritza izango du bihar eguerdian jokatuko den trikitixa txapelketak. 12:00etan izango da, Plaza Berrin. Hernaniko partehartzaileak, hauek: O. Jaka, E. Tolosa, L. Tolosa, A. Loi­naz eta M. Galparsoro.
LARUNBATA10:00 Abeltzaintza azoka Tilosetan
11:00 Talo dastatzea Iturriagan
11:30 Aintzinako jokoak Tilosetan
12:00 Txakolin dastatzea Iturriagan
12:30 Erraldoi eta buruhaundiak
12:30 Herri kirolak Tilosetan
13:00 Kale buelta Kantuzekin
18:00 Haurrentzat tailerrak udaletxeko arkupetan
18:30 Erromeria `Jaiki Hadi´taldearekin, Plaza Berrin
20:00 Sardina jatea Tilosetan
20:00 Dantzaldia Musika eta Txistulari Bandarekin Tilosetan.
IGANDEA09:00 XI Argazki Rallya
09:00 Diana Txistulari Bandarekin
11:00 Sagardo dastatzea Plazan
11:30 Pelota partiduak Tilosetan
12:30 IV. Sagar biltze herrikoia Plazan
12:00 XIV. Trikitixa txapelketa Plaza Berrin
18:00 Sagarraren inguruko herri kirolak Plazan