2014. San Joanetako irudiak

Aurtengo San joanetako irudi batzuk

1. Azeri dantzan Joxan Rodriguez gogoan

Joxan Rodriguez maxkuriekin laguntzen aritu da urtetan Hernaniko Axeri Dantzan, eta orain gutxi hil denez, omenaldia egin diote  familiari: Axeriak ‘Idiyarena’ dantzatu die, eta sokako kideek lore-sorta eta kamixeta oparitu dizkiete.

Koadrilen egunean bazkaitan, txistularien gertukoek ere merezi dute eta.

San Joan jaietan

Bezperan
San Joan eguneko diana	San Joan eguneko kontzertuan

2014 Preludioan entzundakoak

 Beste doinuen artean honako doinu hauek entzun ahal izan ziren:(Gainean klikatuz jaitsi daitezke)

Bigarren Kalez-Kale
Itsas Gizonei
Leonena(Jota ta Porrue)
Adiskide bat bazen

Kalez kale, Iragarpen kontzertua... San Joanak badatozela

Sekulako giroa gaur goizean. Nabari da bai San Joanak ate joka dauzkagula. Goizean Kalez Kale Kantari jendetsua izan da. Iluntzean "Preludioa" izango da.
Urumeako Kronikatik jasotakoa:

20 urtez, San Joanak badatozela abisatzen 

1994an egin zen lehen iragarpen kontzertua eta bertan Hernaniko lau musika taldek parte hartu zuten.  Gaur egun, kontzertua San Joanetako programazioaren ezinbestekoan bihurtu da.

Urtero bezala guztia dute prest larunbat honetan 22:30­etan Hernaniko plaza musikaz betetzeko. Iragarpen kontzertuaren aurtengo programazioa berezia izango da, 20 urte hauetan jo dituzten abestien errekopilazioa egin dute eta. Ruth Martinek, Iragarpen Kon­tzertuko zuzendari artistikoak adierazi du, «zaila izan da aukeraketa egitea, baina azkenean gustokoen ditugun abestiak aukeratu ditugu». Hogei urteetako preludioen laburpena izango da gaur gauean en­tzungo dena.
Duela 20 urte lehen aldiz San Joanak iragartzeko kon­tzertua egin zen Hernanin. 1994ko ekainaren 18an izan zen. Lehen kontzertu hartan Hernaniko Musika Banda, Hernaniko txistulariak, San Joan Parrokiko abesbatza eta Kantuz abesbatza izan ziren. Lehen urteko zuzendariak Manolo Sagarna, Juan Jose Arregui, Javier Zubimendi eta Patxi Apezetxea izan ziren. Lau talde horiek ikusten zuten programazio berezi baten beharra, eta hortik sortu zen iragarpen kontzertua.
Lehenengo kontzertuan, Axe­ri Dantzak eman zion bere ikutua eta euskal dantzen la­gun­tza ere izan zuen Hernaniko musikarien saioak. Hamabi abesti eskaini zituzten, gehienak Hernaniko festen ingurukoak. Mila pertsona inguru gerturatu ziren kontzertura, eta egun bateko arrakasta geroragaldu ezineko zita bihurtu zaie hernaniar askori, Hernaniko San Joan jaien programazioan. Urteak pasa ahala Hernaniko talde gehiago sartu dira iragarpen kontzertuaren programazioan.

20 urteko laburpena, gaur
Urtero Hernaniko talde baten emanaldi berezi bat izaten du Iragarpen kontzertuak. Aurre­ko urtean esaterako, Hernasax saxofoi taldeak, Kantaitak eta Akelarreak parte hartu zuten. Aurten aldiz, ez da talde gonbidaturik izango. Hernaniko taldeen presentzia bai, izango da, eta hogei urte hauen laburpen kontzertuan parte hartuko dute. Programazioan abesti eus­kaldunak interpretatuko dira batez ere, adibidez: Mikel Laboaren Txoriak txori edo Xabier Leteren Adiskide bat bazen. Abesti euskaldunez gain, programan egongo dira akordeoiarekin joko den Ronan Padraig Hardlman-en The Lord of the dance abestia eta Giuseppe Verdiren Nabu­cco, azken hau, 1994ko kon­tzertuan interpretatu zen. Hiru aurkezle izango ditu kontzertuak: Idoia Noble, Niko Lizeaga eta Jon Odriozola.

20 urte, istorio asko
Preludioaren 20 urteetan jende asko ibili da bertako antolakuntzan eta moldaketan. Joxan Goikoetxea izan zen, esaterako, 2002 eta 2003 urteetan zuzendaritza mu­sikala eta orokorra bere gain hartu zituena. Bera­rentzat 2003koa izan zen politena, «ETB etorri zen Hernanira Preludioa grabatzera eta talde guztiek esfortzu berezi bat egin zuten egitarau mardul bat osa­tzeko». Edizio berezia izan zen urte hartakoa, preludioan inoiz parte harte zuten talde guztiak izan ziren eta talde galiziar bat ere etorri zen, gaita eta guzti tabladu gainera igo zena».
Gaur egungo estruktura ur­te haietan jarritakoa da. «Urte hartan finkatu genituen hainbat irizpide estruktura eta an­to­lakuntza aldetik, eta horiek sendotu zuten ekitaldia» adierazi du Goikoetxeak.
Hogei urteotan hainbat gauza gertatu dira preludioaren bueltan. Goikoetxeak Hernanin Entzuna diska oroi­tu du, «preludioaren dinamikaren barruan grabatu zen diska hau, Hernaniko musikaren bilduma da eta Hernaniko taldeek elkarlanean egindakoa». 1999an argitaratu zen, eta San Joanetako musika eta Her­naniko beste hainbat ohituretako musika biltzen ditu.
Preludioaren garrantzia pixkanaka haundituz joan zen eta 1998an Musika Eskola Publikoak, Kantuz eta Doinu Zale musika eskolekin batera, herriko ikastetxe guztietako haurrak bilduz Preludio Txikia antolatu zuten.
Horretaz gain, San Joan zortzikoaren abestiari moldaketa batzuk egin zizkioten 2002an. «Azken moldaketa hori gaur egun urtero entzuten dugu, Hernaniko musikarien lana izan zen moldaketa eta ohitura bihurtu da» dio Goikoetxeak.
2006ko edizioa berezia izan zen, baita ere. Xabier Leteren abesti bat jo zuten kontzertuan. Xabier Lete bera gonbidatu zuten, «lehenengo filan egon zen Lete, asko emozionatu zen bere abestia entzuterakoan» adierazi du Goikoetxeak. Aurten ere, Xabier Leteren abestia entzuteko modua izango da, txistulari eta akordeoi taldeekin, eta abesbatza eta teklatuarekin.

Urteko zita jakina 
hauxe izaten da askorentzat
Kontzertu garrantzitsua da San Joanen iragarpen kontzertua, musikari gehienak hernaniarrak izaten dira eta. Aurten, Hernaniko Musika Banda, Hernani eta inguruko txistulariak, Musika Eskola Publikoko akordeoi taldea, Musika Eskola Publikoko abesbatzak, Kantuz abesbatzak, Ozenki abesbatza, San Joan Parrokiko abesbatzako partaideak, abeslari bakarlariak, Ttarla  dantza taldea, txalapartariak, albokaria, gitarra, teklatu eta pandero joleak ariko dira tabladu gainean.
Talde guztien lan koordinazioan ibiltzen da Ruth Martin, zuzendari artistikoa. Horrez gain, musika zuzendariak, beste hainbat: Garbiñe Orbe­go­zo, Igor Arroyo, Maribel In­sausti, Patxi Apezetxea, Ma­no­lo Sagarna eta Roberto Pacheco hala nola. «Kontzertu berezia izango da, 20 urte hauetan egindako lanaren bilduma» adierazi du Martinek.
KONTZERTUKO PROGRAMA
AGURRA- Herrikoia
Moldaketa: Akelarre taldea eta Xanet Arozena
Bateria, gitarra elektrikoa, teklatua, abeslari bakarlaria eta dantzariak
Zuzendaria: Garbiñe Orbegozo
EUSKAL MUSIKAREN GORESPENA- J. de Uruñuela
Hitzak: Jose Luis eta Jose Ignacio Ansorena
Moldaketa: Jose Mª Gonzalez Bastida
Bateria, musika banda, txistulariak, akordeoi taldea, abesba­tzak eta dantzariak
Zuzendaria: Garbiñe Orbegozo
NABUCCO (Coro di Schiavi ebrei) - G. Verdi
Moldaketa: Musika banda eta abesbatzak.
Zuzendaria: Igor Arroyo
BIGARREN KALEZ KALE-  Pablo Sorozabal
Moldaketa: Kepa de Miguel
Txistulariak, metal boskotea eta abesbatzak
Zuzendaria: Igor Arroyo
THE LORD OF THE DANCE-  Ronan Padraig Hardlman
Moldaketa: Hans-Günther Kólz
Akordeoi taldea, perkusioa, saxofoia eta klarinete bi
Zuzendaria: Maribel Insausti
ITSASGIZONERI- J. Echeverrigaray, Herrikoia, Bruno Imaz
Moldaketa: Kepa de Miguel / J. I. Ansorena.
Txistulariak, metal boskotea, marinba, abesbatzak eta dantzariak
Zuzendaria: Patxi Apezetxea
TXORIA  TXORI
Hitzak: Joxan Artze
Musika: Mikel Laboa
Moldaketa: Javier Busto
Abeslari bakarlariak, abesbatzak eta akordeoi taldea
LEONENA  (Jota eta porrue)-Leon Bilboren errepertorioa
Moldaketa: Xabin Bikandi
Txistulariak, metal boskotea, albokaria, pandero jolea eta dantzariak
Zuzendaria: Patxi Apezetxea
JAIALDIA- Euskal kantariak
Moldaketa: Iñaki Urkizu / Roberto Pacheco
Musika banda, akordeoi taldea eta abesbatzak
Zuzendaria: Roberto Pacheco
DEEP PURPLE MEDLEY- R. Blackmore, J. Lord, I.Paice, 
D. Coverdale, R. Glover, I. Gillan
Moldaketa: Toshihiko Sahashi
Musika banda eta gitarra elektrikoa
Zuzendaria: Roberto Pacheco
ADISKIDE BAT BAZEN-  Xabier Lete
Moldaketa: Joxan Goikoetxea
Musika banda, txistulariak, akordeoi taldea, abesbatzak eta teklatua
Zuzendaria: Maribel Insausti
MENDIRIK MENDI-J. A. Erauskin
Musika banda, txistulariak, akordeoi taldea eta abesbatzak
Zuzendaria: Manolo Sagarna
SAN JOAN ZORTZIKOA-Herrikoia
Hitzak: M. Lekuona
Moldaketa: Joxan Goikoetxea
Txalaparta, musika banda,
txistulariak, akordeoi taldea, abesbatzak eta dantzariak
Zuzendaria: Roberto Pacheco

Gure esku dago. Hernaniarrak ETXARRENeko 101. km osatu dute

Hernanitik 1.400 lagun eta Astigarraga, Ereñotzu, Goizueta eta Aranotik ere jendetza agertu da.
Txistulariak saiatu dira zagokien km.a soinuaz animatzen. Jendearen parte hartzea bikaina izan da.

Ibilbidean jendea biltzen saiatzen

12ak iristeko zain  dantzan

Giro aparta, eguraldi onaz aparte jendea pozik, alai, ilusioakin, algaratsu, dantzan, kantari...

Gazte eta Helduak elkarrekin

Urumeako Kronikatik jasotakoa:

‘Hernani’ Musika Eskolako 20 txistulari inguruk eman zuten atzo kontzertua, gaztetxoenak eta helduak elkartuta. 11 doinu alai jo zituzten ikasturtea bukatzeko, eta ikus-entzule multzo ederra erakarri zuten udaletxeko arkupeetara.

Deba eta Hernaniko txistulariak Itziarren

2014ko maiatzaren 3an ospatu zen Itziarren Erromeri Eguna.
Bertan parte hartu zuten Deba eta Hernaniko Txistulariak, Hernaniko Albokariak, Hernaniko Dultzaineroak, Hernaniko Fanfarea, Zubietako joaldunak, Jaboga Uranga Trikitixa eskolako ikasleak, Zumarragako Trikitixa, Josune eta Alaitz, Elizagoien ahizpak eta Ostolaza eta Narbaiza Trikitilariak.

Bideoan entzuten diren musikariak: Deba eta Hernaniko Txistulariak.

Milagrosan Udaberriko kontzertua

Goizetik txistulari bandaren emanaldia izan da Milagrosa aretoan.
Udaberriko kontzertu horretan bederatzi doinu jo dituzte bi tronpetajoleen laguntzarekin.

Sagardoaren Kofradikoen XIX. kapituloa

Igandean izan zan 19. kapitulua.
Hernaniko Bertso Eskolak, Nikolas Segurolak eta Aizpea Goenagak zin egin zuten sagardoaren izen ona eramango zutela zijoazen lekuetara.
Sagardoa defendatu eta ha­ren izen ona eramango dute dijoazen leku guztietara. Sa­gardoaren enbajadore be­rriak dira, Tolarea Sagardo Ko­fra­diako ohorezko hiru ko­frade berriak. Aizpea Goe­nagak ai­tor­tu zuen lehen ere bere egun garrantzitsuenak sagar­dote­gietan ospatu izan dituela eta gusto haundiz hartzen duela langintza berria. Se­gurolak bertsoz adierazi zuen: «Mundu honetan asko dirade edari bikainak berez, baina tolare sagardoaren pa­reko­rikan ezer ez». Eta Oier Iu­rra­mendik ere bertsotan esan zuen: «bertso eskolan par­tetik beraz konpro­misoa hor doa, maila berean de­fen­de­tzea ber­tsoa ta sagar­doa». Biteri leporaino zela bukatu zuten ekitaldia, beste behin, Ozenki abesbatzaren erakustaldi apartarekin.

HME txistularien kontzertua

HERNANIKO KRONIKATIK aterata

Euskal Herriko Txistulari elkartearen batzarra Leitzan

Aurtengoan Leitzan izan dira Euskal Herriko txistulariak ezohiko batzarra eta batzar orokor arunta dela eta.
Honako egitaraua izan dute:
09:30 Txistularien elkarteratzea
10:00 Meza
10:45 Agintarien ongi etorria Udaletxean
11:30 Ez ohiko Batzar orokorra Leitzako Zineman
11:45 Batzar orokor arrunta.
Xehetasun gehiago txistulari.com atarian.
13:00 Kalejira, pòteoa eta kontzertu herrikoia ( hori ezin izan da burutu batzarra gehiegi luzatu delako)
14:30 Bazkaria

Jon Ansorena Espainiako INTERCENTROS MELOMANO txapelketan

Jagoba Astiazaran Korta (TXISTULARI 236 aldizkarian idatzia)

Ez da ez lorpen makala Jon Ansorena txistulariak lortu berri duena. Abenduan Madrilera bidaiatu zuen Espainia mailako "Intercentros Melomano" interpretazio txapelketan Euskal Herriko goi mailako musika ikastegia (MUSIKENE) ordezkatzeko.

Lehiaketaren 12. edizioa zen aurtengoa, eta urtetik urtera ospe handiagoa lortzen ari da. Hainbat kategoria eta fase daudebertan. Lehenik eta behin, musika ikastegi bakoitzak Madrileko fase finalera ikastegia ordezkatzera zein musikari joango diren erabakitzen du. Eta ondoren, han, Espainia osoko kontserbatorietako ordezkariak elkarren aurka lehiatzen dira, bertan nabarmentzen direnak final handira igarotzen dira. Fial hartatik aukeratua izaten denak Espainiako orkestratirik garrantzitsuenekin bakarlari gisa aritzeko kontratuak izan ohi ditu saritzat.

Jonek goimailako kategorian parte hartu zuen. Musikenek Azaroaren 18an egin zuen aukeraketa, eta bertako ikasle guztien artean  bakarrik izan ziren Madrilera joateko aukeratu zituztenak, Jon bera tarteko. Hilario Extremianaren Zehaztu Uzrtatu obra interpretatu zuen Musikeneko kanporaketan, eta obra bera eraman zuen Madrileko fase finalera. Lehen aldia da lehiaketa garrantzitsu horretan Txistulari bat fase finalera iristen dela. Abenduaren 6 eta 8 gauean Durangon kontzertua jo, eta Madrilerako bidea hartu zuen 7 goizean gainontzeko kontserbatorioetako ikasleekin bere burua neurtzeko. Ezin izan zuen fase hura gainditu, baina ez zen etxera esju hutsik bueltatu, han bizitako esperientzia eta txistua gainontzeko instrumentuen pare estatu mailan erakustea ezpaita sari malal... Zorionak Jon!

Santa Ageda bezperan

"Ohitura zaharrak" taldearekin batera aritu ziran bost txistulari; talde politta elkartu zan asteartean herriko kale, elkarte,taberna inguruan ibiltzeko. Azken agurra "Txalaparta" elkartean goxo goxo eman zieten bertakoek. Kale Nagusian puskatxo batez Zinkonean argi gabe aritu ziran kantuan, haize bolada indartsuaren ondorioz. Euri faltan, esan daiteke bikaina izan zala saioa; bertsolariek ere oso animoso aritu ziran. Beti bezela, benetako amaiera emateko plazan borobilean jarriz eman ziote nagurra aurtengo saioari.

 Kronikan honela idatzi dute:

 Santa Ageda bezpera izan zen herenegun, eta urteroko ohiturari jarraituz, santa eskean atera ziren hainbat talde Hernanin eta Ere­ño­tzun. Makilekin markatutako erritmoa lagun, haur, gazte eta helduek etxe guztiak kantuz poztu zituzten Euskal Herriko egunean, eta eztarri sanoak urratu baino lehen, batetik eta bestetik jan eta edateko nahikoa eman zieten etxe eta elkarteetan. Haize zakarrak ez zituen kokildu, eta txoko guztietan barrena ibili ziren. Talde gehiago ere aritu ziren, baina hiru bildu zituen Kronikak: Ohitura Zaharrak abesbatza (goian), Ur Mia elkartea (erdian), eta Urumea ikaste­txea (behean). Ur Mia elkarteak jakinarazi duenez, datorren urtean festa berezia ospatuko dute, 50garren urteurrena, hain zuzen, 1965ean atera baitziren lehenengo aldiz.

HERRIKO ELKARTEETAN

ELURTXORI	TXANTXANGORRI
SANTA BARBARA	TXALAPARTA

Txotx eguna

Alde batetik, "Goizetik" txistulari banda Kalez Kale Kantariko kideekin aritu da, Plazaberrin hasi, kale Nagusitik igota plazaraino joan dira kalejiran eta plazan hainbat kantu abestu-jo dituzte elkarrekin (Boga boga, Txantxibirin, Ixil-ixilik...). Bestetik, "Hernani Musika Eskolako" txistulariek harrera egin die Txotx irekiera egitera gonbidatutakoei. Aurten ETBko "kontrakoeztarriko" kideek izan dira aukeratuak, lan hori egiteko.