2008/08/16

San Roke Aranon. 2008


Ba dira 38 urte utsik egin gabe Aranon San Roke egunean erromeria izaten dela.
1970. urtean Joxan Ruiz Goizuetako festetan Txobito bere taldearekin festen hasiera ematen ikusita, hurrengo egunean Aranon txistua jotzera etortzen bazen, berak hamaiketakoa prestatuko ziela agindu zion.... Eta hurrengo egunean agindu bezela, ordu ezkeroztik, Antsorenatarrek utzitako hutsunea beteaz, San Roke egunean erromeria egiten da goizeko meza ondoren.
Aurten Joxan merezimendu osoz omendua izan da. Urte guzti horietan utsik egin gabe bere aitak erakutsitako bidea jarraituz.
Zorionak JOXAN eta famili osoari.

2008/06/28

2008. San Joanetan

Kuadrilen eguneko Argazkiak


2008/06/24

Perkusionistak, gaur San Juan egunean, errefortzu gisa txistulari moduan


Txistulari Bandako bi perkusionistak, San Juan eguneko diana jotzera animatu dira baina "Txistua" jotzen alajaina. Denbora puxka ere pasa behar izan dute Mendirik-Mendi doinua ikasteko.

Aupa DonAld (Donosti-Aldasoro) taldea.

2008/03/18

Tolarea Sagardoaren kapitulu berria

Hernaniko Kronikatik jasota:
Sagardoaren alde egingo dutela zin egin zuten ohorezko kofradia kide berriek
Ohorezko bost kofradia kide berri izendatu zituen atzo Tolarea Sagardo Naturalaren kofradiak. Ekitaldi nagusia Biteri kultur etxean izan zen.

Juan Mari Izagirre sukaldaria, Maider Telleria hockey jokalaria, Mirian Molina elikagaien inguruko ikerlaria, Xabier Laskibar mikologoa eta Orioko arraun elkartea dira atzoz gero Tolarea Kofradiako ohorezko kide berriak. Kide berriek, aurrekoek, nahiz gainerako kofradietatik Hernanira etorritako lagunek egun guztiko festa izan zuten atzo Hernanin. Goizean elkartu eta kalean ibili ziren eta Biterin izan zuten ekitaldi nagusia. Jon Odriozolak banan bana altxa arazi zituen kofradia kide berriak eta zenbait galdera egin zizkien, umorez. Ondorenean, Ohorezko aurreskua dantzatu zieten eta kupelaren gainean eskua jarrita, zin egin zuten protagonistek eta Kontxi Zubeldia Tolareako lehendakariak kofradia kide izendatu zituen. Ozenki abesbatzaren kantuek eman zioten bukaera Biterikoari, eta Akarregi sagardotegiko bazkariak festari.
Hamabost urteko historia
Kofradia kide berriei galderak egin zizkien Jon Odriozolak. Errioguarda jatetxea 15 urte betetzera dijoa aurten eta Juan Mari Izagirre sukaldariak eman zuen horren berri. Argiñanoren jatetxean hasi zen sukaldean hernaniarra, 32 urterekin, eta arreba eta biak orain 15 urte jarri zuten jatetxea. Izenari dagokionez, Izagirrek gogoratu zuen Guardarriosen etxea dela jatetxea dagoena, garai bateko errio guarda bertan bizi zelako. Guardarrios izena jarri beharrean, Errioguarda izena jarri zioten jatetxeari, beren ukitua emanda, «Urumea errekan deitzen diogun moduan». 
Gainerako lauak
Maider Telleria hockey jokariak urrezko domina lortu zuten urtean egindako lan haundia azaldu zuen, emakumezkoen kirolean, kirola eta lana uztartu behar baitira normalean; Mirian Molina Idiazabal gaztaren Kontseju Arautzaileko gerenteak gazta eta sagardoak duten lotura nabarmendu zuen; Xabier Laskibarrek Arantzadiko mikologia saila nola sortu zuten azaldu zuen eta Euskal Herriko perretxikoen katalogo bat egiten ari direla ere esan zuen (dagoeneko 3.500 perretxiko desberdin katalogatu dituzte); Orioko arraun elkarteko kideek, berriz, esan zuten Orioko traineruen arrakastaren muina borrokalariak izatean dagoelako eta animo haundiz azaldu ziren datorren denboraldiari begira. 

2008/02/18

2008 ko Iñauteritean txistulari berri??? bat

Aurtengo Axeri Dantzan txistulari aski ezaguna aritu da hernaniarrekin:
Baietz asmatu:






PITER ANSORENA noski, nahastezina mozorrotuta ere.

2007/09/24

2007. Urnietako kontzertuan, Urnietako ereserkia

Urnietarrak Santa Zezilia egunean edota San Joanetko kontzertura etortzen diran bezela, hernaniarrak ere Urnietara joaten dira bertako festetara.
Festen barruan txistulari kontzertuan ez da faltatzen Urnietako Ereserkia:

2007/06/30

2007. Sanjoanak iruditan

Buruhandi eta erraldoiak, San Juan suan nagusien aurreskuan, Dantza askeko txapelketan... irudi asko falta dira
Umeen aurreskua


Azeridantzan

Iragarpen kontzertua (Atsegindegin)
Dianan
Meza Nagusian
Bazkarian
San Joan eguneko kontzertua

2007/06/24

Bezperan Umeen Soka Dantza

Umeen Aurreskua edo Soka Dantza egiten da San Joan bezperan arratsaldeko bostetik aurrera.
Plazan hasi eta kaxkoan zehar dantzan aritzen dira. Amaiera berriro plazan ematen diete.

2007/04/21

Juan Mari Jaloni omenaldia

Gipuzkoako Euskal Pilota Federazioan urteak lanean egin ondoren, Juan Mari Jaloni iritsi zaio jubilatzeko ordua. Horregatik, Hernanin pilota partidua eskeini zaio eta merezitako omenaldia jaso du.

2007/02/18

2007. Iñauterietako Axeri dantzan

Babesaren zain (udaltzainak noiz etorriko zain), bestela ezin baita hasi Azeridantza.

2007/02/04

Santa Agedaa bezpera 2007. urtekoa

Aurtengoan ere hor izan dira txistulariak Ohitura Zaharrak abesbatzarekin batera.


2006/09/26

2006. San Mieletan

Urnietan San Miel jaietako kontzertuan